انا الليله عيوني في ثلاثه من ثمان اشخاص \ سعد العصيمي

[سـعـد الـعـصـيـمـي]

ابروح اصلي واعود ياعقاب

راجعين

[عقاب العنزي]

احسب انك يابن عاصم على درب الاثر قصّاص = عسى الله يخلف عتيبه بعد بارت مصانعها
انا قسمي كبير المشكله في راكبين الباص = ليا من شافوا الاجناب ماتركد مدافعها

[سـعـد الـعـصـيـمـي]

الله الله

على سطح البحر وشلون ابتبع جرة الغواص=مسراتن بلا يمه تضيع من يتابعها
مافرق عزوة عتيبة ذنيب العقرب القراص=ليا جتنا وطيناها قبل تاصل مطامعها

[عقاب العنزي]

رسمنا له هدف مير البلا في دقة القناص = مرار اشوف يشبرها وبعض مرّات يذرعها
انا وش لي دخل ما بين نهر النيل ونهر العاص = لكن اوفو حقوق الناس واعطوها منافعها

[سـعـد الـعـصـيـمـي]

حرار الجو ماتطمع بطيرن دونه الأقفاص=هذا طبع الحرار .. الصيدة الحره توقعها
انا خابرك متمكن تعرف الديمن من الهاص=ولكن العباه اللي على متنك مرقعها

[سـعـد الـعـصـيـمـي]

صح لسانك ياعقاب

شاعر يشرفني مقابلة كل شاعر بحجمك

احترامي وتقديري

[عقاب العنزي]

على راسك تثور من المسدس طلقتين رصاص = على شان الثياب اللي اخيّطها وتقطعها !!
انا مابغى شهادة شلة الارباع والانصاص = انا لي ماقفي يوم العرب خارت روابعها

[عقاب العنزي]

سعد العصيمي

صح بدنك والشرف لي طال عمرك

..

[كايدالاجرب]

عقاب العنزي


سعدالعصيمي




صحت الالسن والقلوب

[ماجد السميري]

عقاب العنزي وسعد العصيمي

صحت السنتكم وبيض الله وجيهكم

شعار كبار استمتعنا بمحاورتهم


وانا عندي استفسار للفائده وليس للنقد


في بيت عقاب

هلا بالشاعر اللي عن مواجيب العرب ماحاص=لو انه في بعـض احيـان يٍنزلهـا ويرفعهـا

الشطر الثاني من البيت هل هو صحيح من ناحية الوزن


وفي بيت آخر يقول

رسمنا له هدف مير البلا فـي دقـة القنـاص=مرار اشوف يشبرها وبعض مـرّات يذرعهـا

الشطر الثاني هل هو صحيح

وهل تصحيح البيت اذاكان خاطئ بهذه الطريقه (مرار اشوف يشبرها وبعض امرار يذرعهـا )


وتقبلوا تحياااااااااااااااااااتي