ما في الليالي داهيه عقب جربت :::::::اثر النهار اللي يجيب الدواهي

[آلاد غنـــام]

الشاعر الكبيــر مقحم بن دحيم الغنامي الح عليه احفاده ان يذهب بهم إلى الملاهي ولم يرغب
في الذهاب مساءَ خوفا من مشاهدة بعض المناظر التي لا يرغب في مشاهدتها كما تعلمون الملاهي اكثر من يرتادها العوائل . اختار الشاعر صبيحة احد الايام لقلة زوار الملاهي في ذلك الوقت لكن اعترضت له وحده موقته له توقيت كما يتبين من القصيده .. اترككم مع مقحم وقصيدته

العام عن طرد الهوى والغزل تبت =وغيرت عن درب الغرام اتجاهي
اقفيت عن درب المحبه وجنبت =انا ما عاد ابغاه والود باهي
لكن عارضني غزالا ضحا السبت=لد النظر فيه وشد انتباهي
اما يعاندني يبا وجعتي ثبت =ولا يبا يضحك عليه فكاهي
ما في الليالي داهيه عقب جربت =اثر النهار اللي يجيب الدواهي
بان النحر واغضيت عنه وتصوبت =وبانت علو الذايبات الذواهي
غضا غضيضا من وصوفه تعجبت =عنقه دقاق وباقي الجسم راهي
عنقه يشادي عنق ريما عطا الخبت= تاه الغزيل عن طريقه وتاهي
سلمت من الرامي وفزت من النبت =ومن السليله ناحرت للاباهي
غرب بي الهاجوس معها وغربت =ووقفت لين انه تعدى الملاهي
من بعدها في بدع الامثال هندبت=لكن ما ادري وين راحت وماهي
وين انت عني يا نديم السعد غبت =هذا شهر واسبوع وين انت لاهي
انته ليا احتجتك على الدرب ما هبت=وانا لابوخالد بمالي وجاهي
دور اللي من فراقه تعذبت =ما عاد ينهاني عن الشوق ناهي
وليا وصلته عطني القلب لا خبت =تراه اخذ قلبي وانا فيه فاهي

الشاعر / مقحم بن دحيم الغنامي

(( منقوله )) ليست من مصادري