العازمي
هلا والليل لايسري يابن وايل على طاريك = بعد شبّيت للويلان ناري ,, واسر ياساري!!
على الجدعا وراعيها يازين الضحك والتضحيك = يقولون العرب شاعر مجاري ,, واسر ياساري!!
راع الجدعا ابن وايل
عسى فيك البقا والوايلي باذن الولي يرضيك=عن يميني تكفيني يساري.. واسر ياسـاري
هذا كفوك وكفو اللي سواتك مـار مايمديـك=لكن روح ونمّ تحت الكباري.. واسر ياساري
العازمي
سبقك العازمي بالعلم الابيض لو رفعت ايديك = تنزلها يابن وايل جباري ,, واسر ياساري
تجارينا بعلم الطيب , والا روح مالي فيك = تحصّل للهزيله ناس غاري ,, واسر ياساري
راع الجدعا ابن وايل
علومك بيض وانته وجهك ابيض والله يعافيك =يازين البيض ياشين السماري .. واسر ياساري
وصلك العلم الاول قد علمك ربنا يهديك= لكن وش طاري ٍ لك من طواري .. واسر ياساري
العازمي
من اللي ينطح القاله و يترك راعي التشكييك = على الكايد يحطون المواري ,, واسر ياساري
صحاصيح الشماليه عليها جايز التمليك = ثلاث ابواب في وقت الطواري ,,واسر ياساري
راع الجدعا ابن وايل
الا ياللي تعّجن فالعجينه لين صارت كيك= تبين لي على مثك شواري .. واسر ياساري
انااحسبك يابن عازم تعرف الفن والتكتيك= اثرك تشيل كتبك كالخضاري .. واسر ياساري
العازمي
ياويل الشعر من هذا ومثله من بقايا البيك = ليا شفتوه دقّوله بواري ,,واسر ياساري
صرفنا الشيك للي مايعرف الا بطارَ الشيك = ياعنك انّي قبل لاعطيه داري ,, واسر ياساري
راع الجدعا ابن وايل
الا ياديك لو انك تصايح كل قدرك ديك= يحطونك مع الرز البخاري .. واسر ياساري
تحسبنك تمشيني على كيفك تربن يديك= لكن جنب عن ذياب الغداري .. واسر ياساري
عيد الابداع
صح لسانك
ملايين
ابن وايل
صح لسانك
مبدع
« آخـــر الـــمـــشـــاركــــات »
30-Sep-2009, 11:54 PM
العرض العادي
