قصة بدون قصيدة الله لايبلاكم بمثلها

[حميد السجايا]

	بسم الله الرحمن الرحمن والصلاة والسلام على رسول الله اليوم جبتلكم قصة جرت علي ولا كن الحمد لله الذي الهمني الصبر في مرحلة من العمر كانت بداية شبابي في قرية العدل الواقعة شمال الطائف بحوالي 150 كيلو ودرست فيها من اولى ابتدائي الى الثاني ثانوي ثم توجهت الى مدينة الرياض واختلطت بالمدرسة بعدة قبائل ورجالٍ شرواك المهم في حدا الايام وكانت على قدوم اجازه عطلة الربيع اشار علينا واحد من خويانا دوسري انا ودوسري ثاني واثنين قحاطين قالو بنقنص للربع الخالي المهم اتفقنا قال واحد من القحاطين انا سواقكم قال الدوسري اانا الدليلة المهم ركبنا وقنصنا اليوم الاول والثاني واليوم الثالث دخلنا بنفودٍ غبراء مقدر اوصفها المهم تغيرت سواقة رفيقنا حنا ترا موترنا جيب ربع 2005 المهم طرحنا الله بوسط هالنفد وانقلب الموتر على تندته وعجزنا نعدله لانه مثل ماتقول بوسط كاسة المهم طاحت الشمس وتعشينا حنا مانشوف الا السماء فقط ولا ارسال ولا اجهزه ولا شئ المهم جت الساعة 10 وجانا وفد من الجن الي يحذف والي يشب النار والي يعلق علينا وحالتنا حالة الي ان اصبح الصبح واشتلنا الموية 3 جراكن ام 10 لتر وسقناها على رجولنا وعلى باب الله المهم وقتها حر وشمس وضماء ورمضاء وعلومٍ مصلحة قطعنا مسافة تقريبا 15كيلو وطاحت الشمس ونفس قصتنا البارح جونا الربع وماقصرو نفس الطريقة واصبحنا ومشينا ويوم وصلت الساعة 10 ص ويتوفى واحد من الدواسر الله يرحمــــــــــــــــــــــــــــــــــــــــــــــ ــــــــــــــــــــــــــــــه والله مطيب خوته وحنا يالباقين على وشك الوفاة تشاورنا قلنا بندفن الرجال ودفناه وصلينا عليه الظهر وقعدنا عنده وتراونا قلنا اخر واحد يموت بياكلها محد بقابره الا اذا وصلنا فرجٍ من الله والحمد لله يوم جات الساعة 2 م والا الشاصات 2 ونرميلهم ويجون مانا مغلق من البارح وذابحنا الضما المهم جونا قلنا الماء يارياجيل واسقونا والا هم شيبان وعارفين كل شي وعارفين الارض كلها وصفنا لهم مكان الموتر وعرفوه والمهم الحل قالو خويكم الله يرحمه وانتم ارواحكم وين قالو المركز 60 كيلو من هنا مشينا معهم وصلنا المركز المغرب وبلغنا فيه واتصلنا على والد المتوفي وقال انا بجيكم بكره والرجال خاله واخوه بيجونكم الليله لانهم قريبين منكم وجلسنا ليلنا بالمركز ( اليل الاممحق)وخويانا معنا ماراحو الشيبان المهم جونا اخو المتوفي وخاله وقالو لازم نشرح ودنا وانتم ذابحينه وكذا صبرنا وكضمنا الهم يوم اصبح الصبح الا وابوه جاينا وهو يستظهرنا على جنب ونعلمه بكل شئ قال ولدي الله يرحمه وانتم حمد لله على سلامتكم وتراكم معتوقين لوجه الله ووقع عنا بالمركز وارسلو معنا طائرة انقاذ وطلعا موترنا وجينا المجي الاقشر وكلن مايكلم الثاني لين نزلوني في بيتنا بالرياض. وانا اقوم وانا ألتفت يمين وألتفت يسار أليا والله ماعندي احد وانا اتعوذ من الشيطات وارجع اكمل نومي ههههههههههههههههههه وسلامتكم بس وش رايكم بهالقصة الي تبي لها صلابة عظام وقوة قلب . تقبلوها بروح رياضية

[محمد العتيبي]

هذا والله الحلم الاقشر ..

المفروض انك ماتعلم به احد


مشكور يالغااالي
..

التوقيع

للتواصل عبر twitter تويتر al_bargawy@

[خلف الروقي]

هذا والله الحلم الاقشر







دمت بود

[العتيبي المحترم]

الله يكفينا شر الاحلام السيئة
ومشكور على القصة كنت اتوقعها حقيقية

[طلال ناشي]

والله أني صدقت حسبي الله عليك

الغريبه أنك ماقمت من النوم الرجال مات وأنت نايم ههههههههه

والله لونه أنا لقوم حين أنقلب الجيب هههههه

تحياااااتي وتقديري .

.

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[حميد السجايا]

المشاركة الأصلية كتبت بواسطة محمد العتيبي

هذا والله الحلم الاقشر ..

المفروض انك ماتعلم به احد


مشكور يالغااالي
..

ههههههه
شكرا لك اخوي محمد
لا ماعليك الدعوة كلها خيال تخبر الواحد اذا كان فاضي يدور له مشروع طويل

[حميد السجايا]

المشاركة الأصلية كتبت بواسطة ابو سالم الروقي

هذا والله الحلم الاقشر







دمت بود

هلابك يابن عاصي

الدعوه كلها خيال لاتصدق انه حلم ههههههه

[حميد السجايا]

المشاركة الأصلية كتبت بواسطة العتيبي المحترم

الله يكفينا شر الاحلام السيئة
ومشكور على القصة كنت اتوقعها حقيقية

امين والناس اجمعين





لا حمد لله انها مو حقيقيه

[حميد السجايا]

المشاركة الأصلية كتبت بواسطة طلال ناشي

والله أني صدقت حسبي الله عليك

الغريبه أنك ماقمت من النوم الرجال مات وأنت نايم ههههههههه

والله لونه أنا لقوم حين أنقلب الجيب هههههه

تحياااااتي وتقديري .

.

ههههههههههههههه
لو انها حقيقيه يمدي الخبر جاك من اول يابو رغد
هههههههههه
لا القلب قلب بعير ماعليك
ههههههههه
واليا صرت مواصل يوم والله ماضنيت اني بقوم

الله يحييك ياهلابك والله

[سيف نت]

" من تحلم بحلم لم يره كلف أن يعقد بين شعيرتين ولن يفعل "