قصيدة الشاعر فهد القثامي فى سلامة الامير محمد بن نايف

[ابو عمر الخليدي]

(سلامتك))

قصيدة الشاعر فهد القثامي بسلامة سمو الامير محمد بن نايف بن عبدالعزيز ال سعود

مساعد وزير الداخلية

ترا العدو بذن من أنجاك معثور=يقوله العاهل وحنا نقوله
الله جعل كيد العداء عنك مدحور=وأنجاك يا محمد من أنجى رسوله
جدك معزي فالحرم طلعت النور=أهل الغدر اللي نوولك نووله
وأنجاه منجي يونس بغبة بحور=وبنى بذن ربه على الشرع دوله
لومنت صقر ٍ حر من نادر صقور=ما جاء الخطر حولك ولا أنته بحوله
لكن لك قلب ٍ على الصعب مفطور=ولال الشدايد ماعرفنا الرجوله
لوكان منته فالمهمات مشهور =ما أصبحت يضرب بك مثال البطوله
سلامتك يا للي نوو يك فيك مغدور=أرجل أعداك بما نووك معقوله
الله جعل لكيدها أجسادها نحور= وأمالها فيما تريد مخذوله
وجعل خنادقها على روسها قبور =ووجيها مما ادعته مغسوله
كلمة هبو زفره وحنا لها صدور=على لسان الشعب عرضه وطوله
أعمالهم تخريب وأقوالهم زور =وأفكارهم لبليس تصرف عموله
أقرب الى الدجال بعيونه العور=عن ما ادعو فالدين وما سعوله
أنفوسهم يغلب على خيرها شرور=وعن الوطن متنازلين بسهوله
عاثو فساد ودمر الحرث والدور=وتيتمت منهم سنين الطفوله
في دولة ٍ تطبق الشرع دستور=يحاربون اخوانهم والحموله
لو في بصايرهم من الفكر مذرور=راحو لمن فالحرب يقرع طبوله
ولع شرارة حقد والفتنه تثور=منهج قلوب ٍ إلسنتها معسوله
ماتعترف بالنصح ما تقبل الشور=باب ٍ عن أهل الحق موصد قفوله
لايحسبون ان الوطن دم مهدور=لو أستباحو حرمته وانكروله
دونه ابو متعب وسلطان إله سور=ونايف بحفظ الأمن تشكر فعوله
مساعد شوؤن الأمن با الأمن دكتور=يعرف مكامن علته مع حلوله
زادوه بالتصميم وحنا له شعور=وأن زادو أهل الفسق زدنا بطوله.

هنا للتحميل بصيغة الجوال

[احمد منير الواصل]

«®°·.¸.•°°·.¸¸.•°°·.¸.•°®»صـــــــح الله السانك يافهد القثامي والله قصيده جزله وبتوفيق ويستاهل اميرآآآ محمد
ويعطيك اعافيه اخوي ابوعــــــــــــمر وشكرآآآآآ«®°·.¸.•°°·.¸¸.•°°·.¸.•°®»

[محمد العتيبي]

صح الله لساان الشاعر الكبير والشاعر المبدع / فهد القثامي


قصيده شامخه تفوق الوصف ..


بيض الله وجهك على النقل الرائع يالغالي
..

التوقيع

للتواصل عبر twitter تويتر al_bargawy@