والا يالعمدة اللي تستعي في مكة وتطاف

[رعد الروقي]

الصلاة يا سعود وان شاء الله راجع بعدها

[سعود العصيمي]

سعود العصيمي=

والا يالعمدة اللي تستعي في مكة وتطاف = انا والله مالومك فالحجيج وفي مزاحمها
احد يدحمك بالجنبين واحدٍ قدم واحد خلاف = نعلمها النظام ولا تقيد لو نعلمها

العمده=

يطيح اللي يطيح من الزحام ويركب الاسعاف=انا جنبي متين وفي يدي حاجــــــــــه مولمها
مداحم ما عليه ومع رجال ومع دروب نظاف=واذا افترت نوايا القوم دحرجنا جماجمها

سعود العصيمي=

منول نحسب ان المشكله فالبنك والصراف =وهالحينه عرفنا الروس من لبسة عمايمها.
انا ادري انك على وسق السنام ولاعليك خلاف=لكن الحل وشهو في فلسطين ومنظمها؟

العمده=

مدام انك تنشد وانت قاضي تحكم الانصاف =شنابات اعتمد تحليقها واشناب كرمها
قضية شايكة من شانها يا مطول الميقاف=لكن اهل الشريعة كم رصاصه في محازمها

سعود العصيمي=

ولا يازين وصفك يوم اشوف الناس والاوصاف = عسى ناسٍ سواتك فالزمن ربي يسلمها.
لياشبكت يمناك بيميني فعلنا ينشاف =بامر ربي نبي نقضي على الفتنة ونهدمها.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[معجب العتيبي]

الله الله


ابداع في ابداع



سعود والعمده



حتما سيكون الابداع والنقض والفتل



صحة السنتكم

[سعود العصيمي]

الابدااع

انت راعيه


وهو وجودك


يابو سلطان


واما العمده


مايقدره حتى


مستور وحبيب

هههههه

صح بدنك وقلبك وكلك.

[رعد الروقي]

جنود الراتب اللي جنــّبوا عن نايف ونواف=موافيها الاجل والا السبايب من عزايمها
ترى بعض البنادق لو تعاينها على الاكتاف=بلا تصريح يا سعود العصيمي وانته افهمها ؟

[سلطان بن دحيم]

الله الله


صحة السنتكم


طاروق كبار


تحياتي

[سعود العصيمي]

عزايمنا تهد النير والمبدا على المشراف = قويين العزوم حظوظها فالوقت تخدمها.
يقولون العرب من لاسرق ياصاحبي ماخاف = لكن الغفل يابو زيد من يقدر يوسمها؟

[رعد الروقي]

ونعم بصاحبي واللي على الدكه من الاشراف=نبا كوفي عنان اليا وصل بكره يكلمها
عليها الوسم والبحر الحمر ما ينقصه مغراف=لكنك لا استلمت الوافيه يا سعود سملها

[رعد الروقي]

ذيب عروا // عشق //معجب //سلطان بن دحيم



مرحبا مرحبا


منورين المتصفح ومشرفينا بحضوركم الكريم



صحت ابدانكم والله لا يهينكم

[سعود العصيمي]

العمده صح لسااانك

مليوون والله معاد اشوووف من النوم من صلاة المغرب وانا على النت

استلم والختام عندك.

على علمك مانطلب منك لاشاهد ولا حلاف =هل الاشراف لو ابهمتها تقدر تترجمها.
انا مابغى الرمي ياصاحبي يزمي عن الاهدااف =جنون الارض واجد مار خيطنا برامها.