ياذيب عروا يقولون العرب خالك عراقي !!!!!!!!!

[عمير الثبيتي]

ياذيب عروا يقولون العرب خالك عراقي = يقلون خالك من البصره و روحه كاظميه
لكن ابدرج معك ذا اليوم انا ساقك بساقي = اما رميتك بحفرة موت ولا وسط ظيه

آخر تعديل عمير الثبيتي يوم 07-Aug-2009 في 03:51 PM.

[علي الثبيتي]

ابو عامر صح لسانك على هالمحراف والبدعه الجهنميه

وصح لسان ديب عروا

التوقيع

ماني بلا روقي ولا برقاوي = انا ثبيتي جد روق وبرقا

[نوآف الغنامي]

يا سلاااااااام



صح الله لسااانك مليووووووووون



وصح الله لسان ذيب عروا مقدما


..

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[عمير الثبيتي]

النشمي خيال الصفراء مشكورين على مروركم وتشرفيكم


والظاهر ذيب عروا عرفها وحرفها ماعاد له طاري في المنتدى

[صاهود]

لو يسمعونك عيال امشيب ماتلقا متاقي=مار اعتذر قبل لاتنهي حياتك فالحويه
يابادي الله يخلّيك ألهلك وين انت راقي=الذيب مايسري الا لا لقاله ذيب زيه

[صاهود]

المشاركة الأصلية كتبت بواسطة بادي المراقيب

النشمي خيال الصفراء مشكورين على مروركم وتشرفيكم


والظاهر ذيب عروا عرفها وحرفها ماعاد له طاري في المنتدى

انا يوم دخلت البارح شفت بدعتك بس ماشفتك وعشان كذا مارديت

والحين جاك الرد يوم شفتك ماهوب انا اللي يحرفها وانت اتعرفني لايغرك النك اللي حاطه

[ابن مشيب]

لو يسمعونك عيال امشيب ماتلقا متاقي=مار اعتذر قبل لاتنهي حياتك فالحويـه

ههههههههههههههههههههههههه

صح السانك يالبناخي سر اللعب وازهل الصف

وصح السان الشاعر المبدع بادي المراقيب


متابعين

[نواف العصيمي]

صح ألسنتكم ومتابع ..

التوقيع

[عمير الثبيتي]

المشاركة الأصلية كتبت بواسطة ّديب عروا

لو يسمعونك عيال امشيب ماتلقا متاقي=مار اعتذر قبل لاتنهي حياتك فالحويه
يابادي الله يخلّيك ألهلك وين انت راقي=الذيب مايسري الا لا لقاله ذيب زيه

حنا بغينا معك نمزح وبالهرج الدقاقي = لاكنك انت تكبرها كما حفرة طميه
مالومك انته شريت التابعيه فالعلاقي =ياشينها يا أبيض الشارب وشين التابعيه

[صاهود]

المزح مسموح لكن لاتغير فالطواقي=عشان ماولّم السكين واتصير الضحيه
مغنيني اللة يابادي وانت قلي ويش هاقي=سوالفك ياقصير العرف ماتمشي عليه