ذيب عروا جاك ذيب

[صاهود]

لوكان خلف له ذيابه مادخلت ابكل بيت=وانا ليا مني دخلت ادخل مع البيبانيه
المشكله ماتثبت البندق بيدّك اليا نويت=الخوف ماخلاّ يديك اتّوالف النيشانيه

[سعد حميد الثبيتي]

اكيد في سوق الغلا ماقط بعت ولاشريت= ماتدري ان ثبيت سم ان طبت الميدانيه
انا فعولي ثابته ارميك وانته مارميت= ولاخبرت البندقيه في يد المطرانيه

[صاهود]

سوق الغلا فالمجمعه واللة رماني فالكويت=ااعلّم أل ثبيت فالقيفان والاوزانيه
وش قيمت البندق يالولا مطير ياراع الونيت=حنا وفينا حقها فالاوله والثانيه

[صاهود]

صح بدنك يامعجب

[ناصر حامد الثبيتي]

الله الله مبدعين يابن حميد وياذيب عروا صح لسانكم مدد بلا عدد جزلين وجزاله ماهي غريبه عليكم
واصلوا الطارق ومتابعييين

[سعد حميد الثبيتي]

ودك برمح ذياب ابن غانم لكنك ماقويت= ماعندك الا جرة الموال والالحانيه
ياذيب عود يم دارك واطلب الله لابليت= تلقى الطعام اللي تزاقفته يد الورعانيه

[صاهود]

انا خذيت ام اللبن وانته تكلم وش خذيت=مالوم قلبك لانفجر بين الضلوع الحانيه
ماني معود لين اهد اجبالكم بالدمنميت=اليا استوت مثل الثرا عودت للصمانيه

[سعد حميد الثبيتي]

انا خذيت الطايله وانته لقيت اللي لقيت= تشهد لنا زرق الرماح وسيفنا شامانيه
يامكثر هروج الشروق ليا دنا وقت المبيت= والصبح زبده مايعه سالت على الكيعانيه

[صاهود]

يكفيني اني مغتني من فضل ربي ماشكيت=كل يوم افلي في بهمكم ياهل الضلعانيه
اظغط علي القوقل وسو البحث باسمي لابغيت=يعطيك موجز ذيب عروا ياسعد في ثانيه

[سعد حميد الثبيتي]

انته نويت بنية(ن) وانا نويت اللي نويت= مادام فليت بهمنا عبدنا عتقانيه
بحثت فالقوقل ولا ان اسمك مسجل باسم ميت= احسبك حي(ن) واثر روحك في عداد الفانيه

آخر تعديل سعد حميد الثبيتي يوم 31-Jul-2009 في 02:07 AM.