وتضحك عفيف وتكحل عيونها واهدابها.. اقرب ياسلطان

[علي بن عمير]

سلامي سلامٍ كنه البرق واصوات الرعود=تخيله عيال البدور وتصك كل ابوابها
ترى مابقى الا شهر واحد ويلفون الوفود=وتضحك عفيف وتكحل عيونها واهدابها

[سلطان بن دحيم]

المشاركة الأصلية كتبت بواسطة علي بن عمير

سلامي سلامٍ كنه البرق واصوات الرعود=تخيله عيال البدور وتصك كل ابوابها
ترى مابقى الا شهر واحد ويلفون الوفود=وتضحك عفيف وتكحل عيونها واهدابها

هلا مرحبا ترحيبة(ن)كنها نساس نود = ترد العلوم اللي لفتنا على من جابها
الا يا علي مالك ومال الصوادر والورود = تجنب علوم(ن) ما تخصك ولا تشقابها

[علي بن عمير]

المشاركة الأصلية كتبت بواسطة سلطان بن دحيم

هلا مرحبا ترحيبة(ن)كنها نساس نود = ترد العلوم اللي لفتنا على من جابها
الا يا علي مالك ومال الصوادر والورود = تجنب علوم(ن) ما تخصك ولا تشقابها

هبوبك ليا هبت تشتت على جنب الحيود=ونفسك تفوّح من زعلها وزود اعتابها
هقيتك ترحب بالعرب ماتبادرها الصدود=عليك المشاريه الكبيره تسوق اركابها

[سلطان بن دحيم]

المشاركة الأصلية كتبت بواسطة علي بن عمير

هبوبك ليا هبت تشتت على جنب الحيود=ونفسك تفوّح من زعلها وزود اعتابها
هقيتك ترحب بالعرب ماتبادرها الصدود=عليك المشاريه الكبيره تسوق اركابها

الا يا علي وجه لدار(ن) على غيرك تكود = تحيزم وشب النار وانا اعرفك شبابها
عطيت الك درب(ن) يا علي مغلق(ن) مامنه فود = يا ليتك تغير فالمكاتيب يا كتابها

[عيد العازمي]

الله الله



علي وسلطان


صحت السنتكم


مبدعين

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[سلطان بن دحيم]

صح بدنك يا ابو طلال

شرفتنا لاهنت

[علي بن عمير]

المشاركة الأصلية كتبت بواسطة سلطان بن دحيم

الا يا علي وجه لدار(ن) على غيرك تكود = تحيزم وشب النار وانا اعرفك شبابها
عطيت الك درب(ن) يا علي مغلق(ن) مامنه فود = يا ليتك تغير فالمكاتيب يا كتابها

توكل على الله وابشر اني على حسب الوعود=وعان السفينه حركت وابلغت ركابها
ياسلطان جسمك قام ينقص ولا عاد ابه زود=ولا عاد نلقى جرتك فالدير واشعابها

[سلطان بن دحيم]

المشاركة الأصلية كتبت بواسطة علي بن عمير

توكل على الله وابشر اني على حسب الوعود=وعان السفينه حركت وابلغت ركابها
ياسلطان جسمك قام ينقص ولا عاد ابه زود=ولا عاد نلقى جرتك فالدير واشعابها

اقول السفينه باذن ربي على الشاطي تعود = ولا ضاعت حقوق(ن) يدور لها طلابها
يكفيني ان الذكر باقي وكني فالوجود = ويا كثر ناس(ن) لا ذكرتني تثور اعصابها

[عشقA]

صح لسانك يابن عمير وصح لسانك يابن دحيم...


ابدعتوووووو...



وتقبلوا مروري...

[علي بن عمير]

المشاركة الأصلية كتبت بواسطة سلطان بن دحيم

اقول السفينه باذن ربي على الشاطي تعود = ولا ضاعت حقوق(ن) يدور لها طلابها
يكفيني ان الذكر باقي وكني فالوجود = ويا كثر ناس(ن) لا ذكرتني تثور اعصابها

تعود ولا فيها ياكود الحضارم والزيود=زيود وحضارم حلقت الحيّها واشنابها
تمدّحك ناسٍ لجل تقطف ورى مدحك ورود=تغني وتلبس قدمك اثيابك غير اثياببها