حيا الله راعي الزلفي

[عبد الرحمن الفرهود]

سلام ماهب الهوا من شرق ولاّ من شمال =رديةٍ ياطيبها تمشي على قانونها
ان كانه راعي الزلفي اقريّب قولوله تعال = بيني وبينه سالفه ياكودها ياهونها

آخر تعديل عبد الرحمن الفرهود يوم 13-Jun-2009 في 03:39 PM.

[حمد بن جوباح]

.
..

الله الله

صح لسانك يا باروود

وصح لسان راعي الزلفي مقدما ً

صدر البيت الثاني ما جاء معي أبدا ً أبدا ً

يمكن ما عرفت اقراه

متابع

.
.
.



















تحياتي لكمـ ،،

[عبد الرحمن الفرهود]

هلابك باحمد معك حق لكن خل البعارين تمشي ويسمح الدرب بعدين

[ذيب الملاعب]

إسمح لي يابارود أنوب عن أخوي راعي الزلفي

استلم لاهنت

يامرحبا بك بالنيابه عن كريمين السبال = رديّة ٍ عنوانها ياصاح في مضمونها
هات الخبر مادام جا لي معك يالصاحب مجال = وانته من اصحاب ٍ تنومسني بجرّ لحونها

[عبد الرحمن الفرهود]

دام البقا ياذيب ياللي معرفتكم راس مال = وليله سطع فيها القمر كل العرب يسرونها
ادحم ابجنبك مثل ماتدحم على الحوض الجمال = واللقمه اللي بالغصيبه طلعت ابطاعونها

آخر تعديل عبد الرحمن الفرهود يوم 13-Jun-2009 في 07:47 PM.

[ذيب الملاعب]

اكرب حزامك صبرنا ياصاحبي بالحيل طال = واهل الوفا والجود لو طال الدهر ما خونها
الحيّه ام جنيب ماتمشي على الدرب العدال = ماهيب مرتاحه يالين تذب سمّ سنونها

[عبد الرحمن الفرهود]

صار الكرم ياصاحبي لمعه ورزٍٍ فالدلال = وبن اليمن مافاح فيها ليتهم يكفونها
مليت من يصفق بمسباحه على يالالي لال = وناسٍ ورا الحروه وناسٍ يارفيقي دو نها

نها

[ذيب الملاعب]

أدري وتدري والعرب يدرون مافيها جدال = هذي حقيقه ليتهم ياصاحبي يرضونها
اللي ماهو قدّ الحمل شفنا الحمل بالجنب مال = الظاهر ان القوم يابارود عمي عيونها

[عبد الرحمن الفرهود]

يافري قلبي واغبوني كان طوّل هالسجال = وكثرت مغاريف الهنود الحمر في ماعونها
لوهو بكيفي كان حطيت الرشا فوق المحال = وانته تزور البيت والكعبه تعرف اركونها

[ذيب الملاعب]

الله الله

كثروا خطاطيب الهنوف أم الدلع وأم الدلال = ليت النصايح والحكم من عودنا يوحونها
انا اعرف البارود مايصبر سريع الاشتعال = ناس ٍ تكحّلها وناس ٍ يارجل يعمونها