واذا الموت فرق خلك عنك ؟؟؟

[ابو محمد الدعجاني]

هذه القصيده لموضي العازمي المعروفه بــــ(عابرة سبيل)لزوجها وهي في المستشفىبعد اصابتها بمرض عضال وزوجها يحاول التخفيف عنها ويدعوها لتقوم من فراشها ليستدعي الاحبه على وليمه عشاء بمناسبة شفائها هذا شعور الزوج،لكن كيف شعور الزوجه "عابرة سبيل"اخذت الشاعره تنظم وصيتها بابيات شعريه مؤثره تثير الدموع وعاطفة الحزن والالم ،وتذكرنا هذه الوصيه عند زيارة هادم اللذات لنا عندما يخطفنا من بين احظان احب الناس عندنا :

ترى الذبايح واهلها ما تسليني=انا ادري ان المرض لا يمكن علاجه
ادري تبي راحتي لا يا بعد عيني=حرام ماقصرت يديك في حاجه
اخذ وصاتي وامانه لا تبكيني=لوكان لك خاطر ماودي ازعاجه
ابيك في يديك تشهدني وتسقيني=امانتك لا يجي جسمي بثلاجه
لف الكفن في يديك وضف رجليني=ماغيرك احد كشف حسناه واحراجه
ابيك بالخير تذكرني وتطريني=يجيرني خالقي من نار وهاجه
سامح على اللي جرا ما بينك وبيني=ايام نمشي عدل وايام منعاجه
همي عيالي وانا اللي في كافيني=علمهم الدين تفسيره ومنهاجه

فكان الرد من الزوج في هذه الابيات (مرثيه بمرثيه):

حاولت انام وحاربت عيني النوم=وجريت صوت مثل صوت الذيابه
الجفن كنه صار ظايق ومهزوم=ودموع عيني مثل رس السحابه
على وليف قالوا اليوم مرحوم=فارق وراح وماتهنا في شبابه
زرت القبور اللي على بعضها رسوم=وخطيت رسم فوق ذيك النصابه
قلبي من الدنيا عليه مرسوم=والرسم توه عقب خط الكتابه
احبها مير القدر صار مقسوم=ويحبها كل الاهل والقرابه
الموت اخذها واودع القلب مثلوم=جرح عميق مايداوي صوابه
الموت اخذ شجعان ورخوم وقروم=واخذ رسول الله وباقي الصحابه

مما راق لي ونقلته

[ابو محمد الدعجاني]

وهذي القصيده بالصوت

[محمد العتيبي]

الله

قصيدتان مؤثرتان جدا ..

ابن غزاي

مشكور على الانتقاء الرائع

تحيتي
...

التوقيع

للتواصل عبر twitter تويتر al_bargawy@

[ابو محمد الدعجاني]

شاكر مرورك اخوي محمد

[الدعجاني 000]

ارق لك واراق لنا مشكوور يابن مفلح

القصديتن موثره والله يرحم الزوجه

[ابوزعبه]

لاهنت يابطل على نقل الروائع

[عبدالله الجـــذع]

ابن غزاي

مميز وماتأتي الا بالمميز

الله لايهينك على نقل هالقصه
المبكيه فعلا والتي استنبطنا منها
الاخلاص والعفه والوفاء
فالرخاء والشده


الف شكر لك

محبك

.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابو محمد الدعجاني]

اخوي الدعجاني شاكر مرورك يالغالي

اخوي ابوزعبه شاكر تواصلك يالغالي

اخوي عبدالله شاكر مرورك يالغالي

كل الشكر لكم