ضامي=
سلام الله سلام الشاعر اللي نظرتـه قـدام=ورجله في دروب المرجله ماتاهت خطاهـا
ياسلطان الرويس انت المبدّا من هل الاختام=بدون قصور في الشعار والاشناب ولحاهـا
سلطان الرويس =
الا يا مرحبا من شاعر(ن) لو طالت الايـام=ما غير فالسلـوم الطيبـات ولا تناساهـا
انا اعوم البحر لكن غيري كم وكم عـوام=يا حظ اللي يجيب الجوهره لو يصطفق ماها
ضامي=
ياكثر اهل المعرفه والادب والعلم والاقلام=على وضح النقا المجرود نكتبها ونقراها
لكن العلم باللي عقب شابت جابت الاقزام=تلد في كل يوم بتـوم يبلانـا ويبلاهـا
سلطان الرويس =
يعيش اللي على النهج السليم يسير الاقدام = ونفسه عن دروب اهل الرداء والشين ينهاها
عسى ربي يعز سيوفنا اللي تهدم الاصنام = ليا هالحين روس اقزامها بالرجل تاطاها
ضامي=
انا البارح قبل لا ارسل لك المكتوب ثار عسام =وثارت بندق الضيف العزيز بداخل خباها
ياليت تعلم الايتام عن جمعية الايتام = حكومتهم تكفّل في كفالتهم وترعاها
سلطان الرويس =
يا كثر اللي يزور البيت لكن يجهل الاحكام = ولكن المشايخ ياصله مضمون فتواها
ترا ما فيه مشكل لو تعشوا باقي الانعام = وطردتهم بسيطه ما تكلف لو بغيناها
ضامي=
لو ان اللي يزور البيت من صلى الفروض وصام= ماشفت اللي حلق دقنه .. بعد عامين رباها
ولا يا اهل الشداد اللي مطيتكم بدون خطام = ترى لن ما خطمتوا راسها ماكفت رغاها
سلطان الرويس =
ترا بعض العرب يبغى الاجر ويطيح فالاثام = وانا وياك بامر الله تعالى ما قربناها
اقول شدادنا فوق المطيه يرعب الاخصام = ولا ترغي ما دام شدادنا يالقرم يزهاها
ضامي=
ياشين المجلس اللي يجمع الطيب مع النمام = وحنا في غنا عن بعض خلق الله ودعواها
بعد بانت نوايا زمرة الارهاب والاجرام = عسى ربي يحفظك ياوطنا من نواياها
سلطان الرويس =
اقول اهم شي الباني يغطي على الهدام = عسى اهل المعرفه شرواك واجد لاعدمناها
يا ضامي تدري ان النير ما تشتاله الانسام = عسى ربي يعز الدين والريات يحماها
« آخـــر الـــمـــشـــاركــــات »
01-Jun-2009, 12:25 AM
العرض العادي
