يالله مقسوم خير

[خليفة الشيخ]

سلام الله على الهيلا عتيبه في مرابعها=سلام يدوم وعتيبه رفيعة شان فالعربان
وصلناكم ندور شاري السلعه وبايعها=نقول السوق غالي وابخص الميدان يا حميدان

[عبد الرحمن الفرهود]

هلا يامرحبا ترحيبة من قلب منبعها = نيابه عن رجال تجزي الاحسان بالاحسان
ترى اللي يجهل الديره ينشّدعن شوارعها = ومن طيب البضاعه سوقها غلابه الاثمان

[سعد حميد الثبيتي]

صح لسانك يا بارود ولسان خليفه الشيخ وعساكم على القوه تقبلوا تحيات ابو فواز

[عبد الرحمن الفرهود]

صح بدنك يابو فواز مرورك يزيد العز والشرف

[علي فلاح العضياني]

الله الله


صح لسان خليفة الشيخ طبعاً شيخ

و صح لسان باروود



متااابع

التوقيع

(( رأس الحكمه مخافة الله ))

[عبد الرحمن الفرهود]

صح بدنك يامشرفنا الغالي
ومدام المسأله فيها(طبعآ) الله لنا

[خليفة الشيخ]

يدوم الك البقا كلمه وكل الناس تسمعها=على وضح النقا ننطق بهرج(ن) كلبوه سمان
زهمنا بارع الدار وتسميت أنت بارعها=عساك البارع حميدان لا طبيت فالميدان

[خليفة الشيخ]

سعد حميد حياك الله وياهلا

[عبد الرحمن الفرهود]

خطاك السو لاضاقت ترى ربك يوسعها = عسى منتب تدورها مابين ارماح والصمان
الايامكثر انفوس تدهور من تسرعها = ولايصلح نوايا الخلق غير الله عظيم الشان

[عيد العازمي]

صح لسانك يا بارود ولسان خليفه الشيخ وعساكم على القوه

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي