يا روحي اللي عن الهفوات مانعهـا=لو كان من صوبها يحداني الحـادي (مصلح عياد الشلوي)

[فيصل المسعودي]

الشاعر الكبير/

مصلح بن عياد الشلوي

تجد في قصيده الحكمة والنصح والمرجلة فكل قصيدة من قصائده تعتبر منهج دراسي متكامل للرجولة الحقيقية فنترككم مع هذه القصيدة لابن عياد:

يا روحي اللي عن الهفوات مانعهـا=لو كان من صوبها يحداني الحـادي
هي ودها تمشي بدربٍ مـا ياسعهـا=وأنـا مـاودي بـدربٍ فيـه نقـادي
أجاهد النفس ليـن تصـد وأقنعهـا=عن زاد ماهـو بقـدر لـي ولازادي
مطاعـة الله فـي دربـي تطوعهـا=اليا هدى الله روحي صحصح فـؤادي
روحي على اللي خلق روحي مودعها=عسى وأنا أبو فهد يهدينـي الهـادي
يازين صوت المؤذن يـوم ينشعهـا=اللـي يكبـر بآيـات الله ويـنـادي
الله أكبـر علـى الأفـاق ماأوسعهـا=الخير والشر فيهـا صـار متـلادي
المؤمن اللـي يفكـر فـي موادعهـا=عنده يقين إن بعد الـزرع حصـادي
والجاهـل اللـي يباريهـا ويذرعهـا=يرصد لها في خلايا مخـه أرصـادي
ماهمـه إلا مـن الأمـوال يجمعهـا=ويعانق الطايـرات وجوهـا الهـادي
من طاوع النفس قامت به على أربعها=وأومت به وماي لين يحـدر الـوادي
إليا انحدر حولت به فـي مصانعهـا=مصانع الـذل والخبيـة والأنكـادي
أمسى مع البوم وأصبح في مواقعهـا=تحول الصقر بـوم وصـار ينقـادي
ياصقر عود بروح الصقـر وأرفعهـا=العار والـذل مالـك فيـه مقعـادي
الروس ماعابـت الإ مـن تصدعهـا=خيب رجاها السموم وسـم الأكبـادي
اللي من الغـرب وزعهـا موزعهـا=وعربيا تشتريهـا كـاش وأقصـادي
القبح في وجهـه شاريهـا وبايعهـا=قطاعـة الديـن لا قـوة واعـتـادي
الله وأنـا مصلـح العيـاد يقطعهـا=قطع الرشا فـي قليـب جـاه ورادي
النفس تبغـا لهـا رجـل يصارعهـا=رجال ماهـو قليـل ديـن وربـادي
تـرى الرياجيـل معروفـه طبايعهـا=صدق ونزاهة وديـن وزاد وزنـادي
غض النظر واقصر الخطوة وسنعهـا=احفر بها حفـرة الميـت والإلحـادي
ادخل بهـا منـزل الميـت وسمعهـا=صياح الأحفـاد والزوجـة والأولادي
اخذ الجنازة علـى متنـك وشرعهـا=بالقطن والشاش والكافـور والكـادي
اربـط كفنهـا وجودهـا وشيعـهـا=على النعش لين تاصل بيتها العـادي
اليا طويت اللحـد مندونهـا دعهـا=اسحب عليها تراب القبر من غـادي
رح للعنايـة وعايـن فـي ودايعهـا=جسم بلا روح وأرواح بلا أجسـادي
تعيـن الأجهـزة واسمـع لعالعهـا=لاتنشـد أحـدٍ ولا ينشـدك نشـادي
حتاك تروي خـدودك مـن مدامعهـا=تشوف ماشاف غيرك يابن الأجـوادي
ورح للمساجين وانشدها وش أودعها=في منـزلٍ ماتهنـت فيـه مرقـادي
السجن ضيقبهـا والقيـد موجعهـا=سد الحراسات من ضبـاط وأفـرادي
رح للفقراء وعاين فـي مضاجعهـا=وأعلم ترى الخافيات أدهى من البادي
العسر خلى الرجال تعـض أصابعهـا=ياما كسر من مقام وكسـر أوتـادي
مايطعـم المـرة إلا مـن تجرعهـا=انشد مجرب يجيـك بعلـم الأوكـادي
الطيبة في المكـان الطيـب ازرعهـا=انفق من المال لاتطغيـك الاعـدادي
ابعد عن الشـر والفتنـة ومولعهـا=النار تمسي شرار وتصبـح رمـادي
ارفق على النفس واحذر من تراجعها=خلك مجاهد جهـادٍ صـدق ومفـادي
على الهوى واصل الرحلـة وتابعهـا=ارجع كمـا كنـت ماعنهـا تلـدلادي
أصل المحـلات الأربـع لاتقاطعهـا=حتى لو صدفةٍ مـن غيـر ميعـادي
ميصالـك إلهـا يذكـرك بمنافعـهـا=فزعـة وجزعـة وتذكيـر وتعبـادي
ترى الوداعة بترجع عنـد مودعهـا=والصفحة تبيـن الممتـاز والعـادي
لابد مـن يـوم ينزعهـا منازعهـا=تـدور اللـي يذكرهـا التشـهـادي
مهما تطول العمار اللحـد مرجعهـا=رعيان الأدباش وإلا ملوك وأسيادي

[متعب العصيمي]

كل بيت أفخم واقو من اللي بعده

صح لسان الشاعر / مصلح بن عياد الشلوي

وسلمت يمينك يافيصل

[خالد نوار العتيبي]

قصيده جزله


صح لسان بن عباد شاعر كبير



سلمت يمينكـ

يافيصل المسعودي وبيض الله وجهكـ


تحياتي لكـ

[أبونواف]

يازين صوت الموذن يوم ينشعها
قصيدة في غاية الروعه صح لسان الشاعر مصلح بن عياد الشلوي
ولاهنت أخوي على النقل .

[فيصل المسعودي]

المشاركة الأصلية كتبت بواسطة متعب العصيمي

كل بيت أفخم واقو من اللي بعده

صح لسان الشاعر / مصلح بن عياد الشلوي

وسلمت يمينك يافيصل

هلا متعب


شرفتنا بمرورك وردك الطيب ياغالي


تحياتي

[فيصل المسعودي]

المشاركة الأصلية كتبت بواسطة خالد نوار العتيبي

قصيده جزله


صح لسان بن عباد شاعر كبير



سلمت يمينكـ

يافيصل المسعودي وبيض الله وجهكـ


تحياتي لكـ

ووجهك أبيض ياغالي

الجزالة تكمن في مرورك وردك الطيب

شكراً لك

تحياتي

[فيصل المسعودي]

المشاركة الأصلية كتبت بواسطة أبونواف

يازين صوت الموذن يوم ينشعها
قصيدة في غاية الروعه صح لسان الشاعر مصلح بن عياد الشلوي
ولاهنت أخوي على النقل .

فعلاً

يازين صوت الموذن يوم ينشعها


شكراً لمرورك وردك الرائع ياغالي

تحياتي