تالي الشفق

[كريمان]

السلام عليكم ورحمة الله وبركاته
هذه اول مشاركه لي في هذا المنتدى
وعسى ان تحوز على اعجابكم
وهي من ابداع الشاعر/ عبدالله خميس النواق الشراري

اظن ما ياطا علـى الارض واطـي
الا وهو ما بيـن راحـه وتشطيـط
لو حط مع دنيـاه عقـد ارتباطـي
غرارة(ن) لو ذاق منهـا مسافيـط
يا طيـر ياللـي ماقعـك باللعاطـي
ماكـرك فـوق بعاليـات اللواعيـط
ما شفت ما عينت من حـط لاطـي
بالقلب جرحه صار ما يمسك الخيط
جرحه ان جيت اعالجه مـا يلاطـي
مسلطه ربي علـى الـروح تسليـط
عقبه نحلت ولا بجسمـي نشاطـي
واذا مشيت اشوي بين بـي الشيـط
يا عاذلي لو قلت هـرج احتياطـي
كلام ليـل وصـار بكـره خرابيـط
ازعل عليه ومنّه اللي انـت عاطـي
وان رحت جعل روحتك روحت امقيط
راع الهوى ماهو بدين(ن) ضراطـي
تقـول يعطـى بالمغـذي تناقـيـط
والا انت كنك بين مكـر وحماطـي
على قليـب(ن) زاد جمـه بتغويـط
لا واهنيـك عايـش(ن) بانبساطـي
ما لططنـك سمـر الايـام تلطيـط
ولا ارقبت تالي الشفـق بالغطاطـي
رجم(ن) حصاه ملقط(ن) فيه تلقيـط
ولا رعت من المرقاب ميس وخاطي
واني تجر اخطاك عقـب التناشيـط
راع الهوى يموت مـوت انفراطـي
موتت قهر لا طـخ بيهـا ولا ليـط

[نمرود الشعر]

الله الله عليك يا كريمان مبدع بالاختيار
تختار السمين الجزله وتعاف الهزله

الله يبيض وجهك وسلمت يمينك وصح لسان الشاعر عبدالله الشراري
تحياتي لك

[كريمان]

تسلم يانمرود ومشكور على المرور