بيت الشعر والفله اعطونى رايكم فيها

[سلطان المفرجى]

السلام عليكم ورحمة الله وبركاته

بنيت بيت الشعر فى مدخل الفله=لاجل النشامى توسعبه خواطرها
سوالف مع جماعتنا على دله=تسوى تعبنا ولا نحسب خسا يرها
لاشفتهم فى داخله والنفس منفله=ودارت سواليف والسامع يقدرها
حطيت سمر الحطب والرمث ولعله=وشبيت نار طويل الليل سامرها
وجبت المعاميل ثم بهرت انا الدله=برية هيلها ريحه يعطر ها
لاصب فنجالها يجلى العمس كله=ويعطى لابن حجنه ليا صار حاضرها
الشيخ ضيف الله ليا جات مختله=برايه وجاهه صليب الراى يجبرها
ابو محمد يعد الحق ويدله=يوم بعض البشر عمين بصايرها
هذا منى نفسى وغيره ترى لله=ناس تحب الشلل دايم تسامرها
والبيت هامل ولا يدرى عن الحله=وسط استراحات والسنه مغيرها
ويناظر الفحش والشيطان زيله=ومقابل شاشة التلفاز ينظرها
يشوف فيها العهر والجل والعله=وبرامج فاسده والله منكرها
ولابان نور الصبح والفجر وذله=وجت حزة الرزق دايم فى بواكرها
قام ابو مره يغطه نوب ويغله=وعن فرض ربى قدم رجله يكسرها
ثم نومه نومة اهل الكهف حقله=مثله نقيصه على الدنيا وضاهرها
وختامها يالله انك تغفر الزله=وطول عمار النشامى لاتقصرها

[عبدالرحمن الهيلوم]

صح السانك ياولد فرج
وفالك الطيب

وموفق خير

[سلطان المفرجى]

الله لا يهينك يا الهيلوم


ومشكور يا ابن العم

[ملازم الطاعه]

بنيت بيت الشعر فى مدخل الفله===لاجل النشامى توسعبه خواطرها

صح لسانك يالمفرجي

هذي صفات العتيبي وطبعله===دابم ودلته لنشامى مبهرها

[محمد بن غازي]

صح لسانك ياسلطان .... وننتظر منك مزيد من الإبداع ....

[ترركي]

الله يمسيك بالخير ياخوي


قصيدة رائعة واروع مافيها بدايتها
والبيت السادس بعد


لاصب فنجالها يجلى العمـس كلـه - ويعطى لابن حجنه ليا صار حاضرها


وباقي القصيدة رائعة
لكن هذي الأبيات كانت لامعة في سما القصيدة


شكرا

[سلطان المفرجى]

الاخ المشرف الرايع محمد ابن غازى شكر خاص من اخوك سلطان المفرجى وصح الله بدنك ولانستغنى عن مثلك وشرواك لا هنت يالذيب

[عيون الحر]

صح لسانك ياسلطان على القصيده

والعلوم الغانمه ماهي غريبه عليكم

ويستاهل الفنجال بن حجنه

تحياتي

[سلطان المفرجى]

عيون الحر مرورك زادنى شرفا وصح الله بدنك وما علاك زود



اخوك سلطان المفرجى