الليل يا العراف والمعني ترى ماهو حلا

[عمير الثبيتي]

الليل يا العراف والمعني ترى ما هو حلا= سم أسوداً جوف البدن والنار من شبابها
والليل مظلم والليالي المقبله فيها بلا = والطاسه ضاعت والصحن والنار من شبابها

[علي الثبيتي]

الله الله يابوسلطان صح لسانك
والعالم كلها مضيعه الطاسه وانا منهم واحدهههههههه
نتظر الشعار لمجاراتك وزهل الصف

التوقيع

ماني بلا روقي ولا برقاوي = انا ثبيتي جد روق وبرقا

[عمير الثبيتي]

شرفني مرورك يا لنشمي وكيف حالك عساك بخير

[السيل-الحافي]

بادي المرقاب صح السانك
متابع

[عمير الثبيتي]

صح بدنك يا الحافي ومرورك شرف

[معجب العتيبي]

الليل يابادي تعال ولاتلقّى للخلا=خلك على المعنى وغن والنار من شبابها
يسهر طوال الليل من يطلب طويلات العلا=امن اللحد حتى الكفن والنار من شبابها

التوقيع

[عمير الثبيتي]

المشاركة الأصلية كتبت بواسطة معجب العتيبي

الليل يابادي تعال ولاتلقّى للخلا=خلك على المعنى وغن والنار من شبابها
يسهر طوال الليل من يطلب طويلات العلا=امن اللحد حتى الكفن والنار من شبابها

الليل يامعجب ولا تضرس ولاتلعب جلا = جود ذلولك والرسن والنار من شبابها
النا س حولك صالية واحوالهم زادت صلا = والآدمي ماله ثمن والنار ومن شبابها

[معجب العتيبي]

السوق مابين المشاور والمناور والغلا=ماينشرا غير الحسن والنار من شبابها
كلٍ على همه سرا ياذيب ياذيب الفلا=والخير بأطراف الوطن والنار من شبابها

[بدر الكريزي]

الله الله الله


بااادي × معجب


صح السنتكم..


متابعين لإبداااااعكم

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[عمير الثبيتي]

شفت البلا شفت البلا واللي يقله مسهلا= حط المربى مع السمن والنار من شبابها
راعي اليمين مكفكفا واللي يمد الأشولا = والفكر جوال وشحن والنار من شبابها