سرى بارقٍ ضوحه تكاشف سوات الليت .. !!!!

[ناصر الجلاه]

..

نتواصل في قسم قصائد الاعضاء مع أخواننا وأرجوا ما نطرحه ينال أعجاب الجميع .

إليكــــم :

سرى بارقٍ ضوحه تكاشف سوات الليت=يهيض نفوسٍ شوقها كل مرباعي
اخيله وانشد عنه مع طيبين الصيت=مدام الحياء متبوع .. أنا جيت تباعي
تعذب فؤادي كل ما اصبحت وألا امسيت=بنارٍ تواكل وأكلها حدب الاضلاعي
تقادح وصوت ألهيبها جرة التنهيت=بنفسي وزاد ألهيبها كل الاوجاعي
ترى النار بعده وأشعل النار بالكبريت=بعد حزت الفرقا لنا ذكرها شاعي
وأنا عارف الفرقا هجادٍ بلا توقيت=تشتت قلوبٍ همسها .. السمع والطاعي
ترى حزت الفرقا تهدم جدار البيت=تحط البيوت العامره قاع ورقاعي
وترى حزت الفرقا تميت الهواوي ميت=تدنس نواياٍ لونها لون نصاعي
يقولون ياناصر وأنا قول كيت وكيت=نسيته .. وبعده لاويٍ هامة ذراعي
ليامن نشد : قولوا سلا بعد ماصديت=وعاش بنعيم وبدل المد والصاعي
ولا عاد ينظر لك سوا رحت وألا جيت=تناساك يومنك تناسيته يناعي
وأنا كل ماشفته تجاهلت يابا الفيت=ما أحبه !! وأنا اللي لاعني بالهوى لاعي
وأنا لو دعاني مترف الروح ماعييت=ولو جيتي ما أضمن بعدها بمرجاعي
هجرني ! وأنا اللي كل ماقال للي لبيت=على شان عندي صادق العرف ماضاعي
اجمع شتاتٍ ضاع أسكتبها تسكيت=لروحي وطعم البعد للروح نزاعي
اكابر وأقول انسى هواها لكن .. ازريت=هواها غمرني غمرة الزبد لاماعي
إذا مر طاريها وأنا ساليٍ فزيت=كما فزت اللي نبثته تحفر القاعي
(( حنان الوفاء )) ماينفعه قول ليت وليت=تراني بخيصٍ فاهمٍ كل الاوضاعي
صعيبٍ عزول الماء بعد خالط الماء زيت=وتساهيل يادنيا العنا .. طق الاصباعي
ينوح الحمام ومن سبب نوحته غنيت=وصحيت بألحون الطرب كل هجاعي
أببقاء وبأمل عقب صديت ثم أدويت=رجوعك ووصلك غاية لي ومرباعي

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[معجب العتيبي]

وأنا عارف الفرقـا هجـادٍ بـلا توقيـت
تشتت قلوبٍ همسها .. السمع والطاعـي



الله الله

ناصر المبدع


اينما يتواجد نجد الابداع والتميز


صح لسانك وقصيده تستحق الحفظ من جمالها

التوقيع

[مرزوق حمدان العتيبي]

..
.
وأنا كل ماشفته تجاهلـت يابـا الفيـت
ما أحبه !! وأنا اللي لاعني بالهوى لاعي
وأنا لو دعاني مترف الـروح ماعييـت
ولو جيتي ما أضمن بعدهـا بمرجاعـي


نادره وفريده من فرايدك المعهوده
صح قلبك ياناصر ...
فشعرك لايمل ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

.


الله الله يا ناصر عليك ..

صح لسانك وبيض الله جهك على هالقصيده الجزله بلا شك .. وانت ما يعتاز مبدع في كلا الحالتين ..

و واصل ابداعاتك ولا تحرمنا من جديدك يالغالي ..




أخوك

التوقيع

.....

[عبد الله@العتيبي@@]

صح السانك يا ناصر الجلاه وقصيده معبره و خطيره
يا خطير ولله لا يهينك





تحياتي

[ناصر الجلاه]

..

معجب العتيبي

..


صح بدنكـ يابوسلطان .. تصفحكـ يشرفني دائمآ

لاهنت


..

[ناصر الجلاه]

..

مرزوق العتيبي

..


صح بدنكـ يابومحمد .. حضوركـ يشرفني واطرائكـ وسام

لاهنت


..

[سلطــ ـــ ــ ـان]

صعيبٍ عزول الماء بعد خالط الماء زيت
وتساهيل يادنيا العنا .. طق الاصباعي

صح السانك

[ناصر الجلاه]

..

عبدالله العتيبي

..


صح بدنكـ يالغاالي .. حضوركــ كريـــــم


لاهنت

..

[ناصر الجلاه]

..


سلطان

..


صح بدنكـ يالغاالي .. حضوركـ كريـــــم

لاهنت


..