سلطان الجذع خان الامانه :::::::::::::

[سلطان الجـذع]

...

نايف ملحق .. صح بدنك ...

[سلطان الجـذع]

...

عبدالله ماعليك زووووود ولاهنت على المتابعه

[علي فلاح العضياني]

تحسب انّك سوات زريب عنتر زمانه=يقطع من اذنها ويسدّ به جوع فمها
الجذع لوّ تنحل عقدةٍ في لسانه= العرب بالكلام بدون فعل إلتهمها

التوقيع

(( رأس الحكمه مخافة الله ))

[معجب العتيبي]

الله الله


يابو فلاح


مافيك حيله دائما مبدع وهجومي


لكن صح لسان ابن الهيلا البار


سلطان الجذع والصف صفه


ضد اصحاب الغياب المتكرر

التوقيع

[سلطان الجـذع]

رحمة الله فوقه ... قبل يسرج حصانه = عيشة الذل تأكلها وتطعم طعمها
من رفاع لرفاع ولاتجي فالطمانه = في ذرى اللي عقلها بالعقال وخطمها

[سلطان الجـذع]

...

معجب وجودك في صفي يجعلني أقول بكل

ثقه ... ازهل صاحب الغياب المتكرر هههههههههههه ....

صح بدنك ياابو سلطان ... وشرفتنا بتواجدك يالغالي

[علي فلاح العضياني]

كل فارس يعرفون القبايل مكانه=مار ابو زيد حصّل فرصته واغتنمها
ما بقي للجذع هيبه و لا له حصانه = العرب في طريق إخطاه تزرع لغمها

[علي فلاح العضياني]

عبدالله الجذع


قادح شرار




ناصر الجلاه




نايف ملحق




معجب العتيبي




اشكركم كل الشكر وبيض الله وجيهكم على تواجدكم المشرّف

[معجب العتيبي]

علي فلاح العضياني

يالجذع يوم ربعك سلّموك الامانه= ليتهم دوّروا غيرك ( كفو ) يستلمها
نحسب انّك تكانه وأثر مانت بتكانه=حتّى وجهة نظرك الناس ما تحترمها

سلطان الجـذع

( صنتها صوّن مسلم مايعرف الخيانه ) = ياوجود السوالف لايهمك عدمها
المطر هل نوّه ...بأمر من جل شانه = لاتقول البدو ماعاد تشبع غنمها !!!

علي فلاح العضياني

تحسب انّك سوات زريب عنتر زمانه=يقطع من اذنها ويسدّ به جوع فمها
الجذع لوّ تنحل عقدةٍ في لسانه= العرب بالكلام بدون فعل إلتهمها

سلطان الجـذع

رحمة الله فوقه ... قبل يسرج حصانه = عيشة الذل تأكلها وتطعم طعمها
من رفاع لرفاع ولاتجي فالطمانه = في ذرى اللي عقلها بالعقال وخطمها

علي فلاح العضياني

كل فارس يعرفون القبايل مكانه=مار ابو زيد حصّل فرصته واغتنمها
ما بقي للجذع هيبه و لا له حصانه = العرب في طريق إخطاه تزرع لغمها

[سلطان الجـذع]

شافها طيبة .. وأرخى للاكحل عنانه = قدم نمراً على القمه يرفرف علمها
لو عندك على بعض السوالف ضمانه = كان من صالحك قاض القضية حكمها