من رقى في سلم الطيب لاينزل منه ... القريب

[بناخي صياف]

ياسلام الله على الدايرة ورجالها = والملفات الخضر زايدة في هالسنه
اكتبوها لين كل العرب تصحالها = من رقى في سلم الطيب لاينزل منه

[خالد اوصاهب]

مرحبا في حلةٍ دايرات دلالها=دارنا فيه الشحم والكرم يذكر عنه
حرب حباني وانا احب كل عيالها= غير هذا لازم الليل موته نعلنه

[بناخي صياف]

ابتلشنا في جمالِ عجيبِ حالها = لاسرحت تضوي ومسراحها مانضمنه
الصله لاتقطع اليوم كل حبالها = الحبل لاطاح من يدك عجل وامكنه

[خالد اوصاهب]

في شفا مطوية الجال واحذر جالها=يوم ماحات الدلي جمها لا تسكنه
والقناة اللي تحدى العرب بارسالها=علموني ليش تبغا الاجابه معلنه

[بناخي صياف]

يوم زرت الشلة الله يطيب فالها = قلت ليش الميسره مع هذيك الميمنه
مانحب السالفة تنكشف باقوالها = مير لهالحين ماشفت شيِ تدفنه

[بناخي صياف]

انست وشرفت



تصبح على خير

[خالد اوصاهب]

ينصر الله عالمٍ ماتكدر بالها=انا في شام البلد وانت هلحين عدنه
يوم قابلنا قناتك تبث اعمالها=اذكر اول مرةٍ نلتقي فيها هنه

[خالد اوصاهب]

بناخي صياف استعجلت يالغالي

ما امداك تسري
صح لسانك ولا هنت