ياسلام الله على الدايرة ورجالها = والملفات الخضر زايدة في هالسنه
اكتبوها لين كل العرب تصحالها = من رقى في سلم الطيب لاينزل منه

مرحبا في حلةٍ دايرات دلالها=دارنا فيه الشحم والكرم يذكر عنه
حرب حباني وانا احب كل عيالها= غير هذا لازم الليل موته نعلنه

ابتلشنا في جمالِ عجيبِ حالها = لاسرحت تضوي ومسراحها مانضمنه
الصله لاتقطع اليوم كل حبالها = الحبل لاطاح من يدك عجل وامكنه

في شفا مطوية الجال واحذر جالها=يوم ماحات الدلي جمها لا تسكنه
والقناة اللي تحدى العرب بارسالها=علموني ليش تبغا الاجابه معلنه

يوم زرت الشلة الله يطيب فالها = قلت ليش الميسره مع هذيك الميمنه
مانحب السالفة تنكشف باقوالها = مير لهالحين ماشفت شيِ تدفنه

ينصر الله عالمٍ ماتكدر بالها=انا في شام البلد وانت هلحين عدنه
يوم قابلنا قناتك تبث اعمالها=اذكر اول مرةٍ نلتقي فيها هنه