مطلوووووووب يا مشتاق

[ابو وافي]

يا هل المنتدى بالله مشتاق وينه يا عسى ما حصله شر ولا خلافي
كان زعلان اسعو بالصلح بيني وبينه ياخذ الحق وافي مني وانا ابو وافي

[مشتــــاق]

حي من هو نصانا بالعلوم السمينه = كل طيب ن لقينا يالعميل السنافي
ما نبا لك حقوق ولا وصلنا غبينه= بس قللي علامك؟ صرت سكبه وحافي؟!!

[ابو وافي]

طيب طيب

هلا والله يا مشتاق


استلم

لا تناظر برجله خل عينك بعينه شوف في محجر اعيونه سيوف(ن) رهافي
وانت رجل فطين ومن رجال(ن) فطينه واحمد الله ما دامك فالزمان امتعافي

[مشتــــاق]

ابقاك الله يا ابو وافي


واستلم

الهصور المجوع لا تجي في عرينه = كل شيٍ خضع له في بطون الفيافي
ليتك اليوم معيه كشب يا زين زينه = جبت منه (العيال) وقلت يالله يا كافي

[ابو وافي]

ربيع ربيع يا حلالاه

طيب طيب
استلم
الحصان المحجل لا يغرك بزينه ابخصه زين والله عالم(ن) بالخوافي
راعي الضين لابد فالخلا عند ضينه لو طلبته هريد(ن) منه قال للك مافي

[مشتــــاق]

كل رجلٍ تدين يخلص اليوم دينه=بس دينك عضيم وله سنين بطوافي
وش تبا بالمجنن وجهٍ الله يا شينه= كنخر وكشره وباقي علومه عوافي

[ابو وافي]

اقرب ادغيبجه من كشب والا الدفينه ما بها غير عج ومابها غير سافي
طبلون الموتر اكيد انكم ماسحينه خبر امن الطرق فيكم وجات المطافي

[مشتــــاق]

كم عدٍ رهيٍ والبدو واردينه = وكم بيتٍ تعثر ما تشيله قوافي
عارف انك تعرف الوقت صلبه ولينه= وش بلى علمك الليله غشاه التفافي

[ابو وافي]

كل من خف عقله جعل ربي يعينه والله ما يتعبك الا اهل العقول الخفافي

ما حسبنا حساب اهل الجنوب المتينه اللي ميزانها على طول الوقت هافي

[مشتــــاق]

والله لتبطي بعلة حسين وحسينه=يوم رمشك على طول المسافات غافي
كل قرمٍ يميز وش يحط بجرينه =وانت تدحم جنوب اللي طوالٍ نيافي