والجما الكبوت والبوري السانه "قصيده لاتفوتكم

[خالدالعصيمي]

نحمـد الله وارد الستين عانه = واردٍ قـبل الحـديـد يـوردونـه
ما يعبا من شراب القيز خانه = ولا وقف وسط الكراج يوضبونه
المكينه مطرق من خـيزرانه = كامل بالوصف والشمـعة عيونه
والجما كبوته والبوري السانه = والمساعـد ياولـد حربة سنونه
والاديتر صرته مظرب ابطانه = ديـتره يا بو سهـل ما يلحمونه
وان ركب راعيه ما مله مكانه = وان طرش صوب البلد ما يجرونه
وان عطا جو الخلا زين اهذبانه = وان تعرض رمـلةٍ ما يسعفونه
نمـرته وسمه على خده بيانه = وان وطاله مـركزٍ ما يسألونه
وارد الرحمن يا زين اسهيانه = يعجب اللي فوق وسقه يركـبونه
خالـقه ربه وخالـقنا اوزانه =ما يـورد من بـعيدٍ يصـنعونه
مير شان الوقت واقفى به زمانه = وانقطع شقران يا اللي ترغبونه
وتم قولي ذكر رب عـز شانه = ذكر رب كل الامـه يـشكرونه

[((الدلبحي))]

خالد صح السانك والسان نجر

تسلم يمناك يابن العم على طيب المشاركه

تحيااااااااتي

[مروي العطاشا]

مشكووووووور يعطيك العافية

[وصل العطياني؟؟؟]

تسلم والله يالذيب ...

معودنا على القصائد الجزلة ..

لاهنت وبيض الله وجهك..


تحياااااااااااتي

التوقيع

na111na@hotmail.com

[ش. الهاجري]

خالد صح السانك والسان نجر

[خالدالعصيمي]

الدلبحي

يسعدلي ايامك

مرور معتاد من أخ عزيز

لك خالص تحياتي

[خالدالعصيمي]

مروي العطاشا

مشكور على مرورك الكريم

[خالدالعصيمي]

وصل العطـــيــــاني

حياك الله ياوصل

مرورك ينيرشاشة المتصفح
مما يضيف للقاري جاذبية القصيده

لك خالص تحياتي

[خالدالعصيمي]

ش الهاجري

مرحبابك وبالهواجر كلهم

مرور عذب وغير مستغرب من شخصك

لك خالص تحياتي

[الدهاسي]

وارد الرحمن يا زيـن اسهيانـه
يعجب اللي فوق وسقه يركبونـه

صح لسانك ولسان الشاعر

يعطيك العافيه