زارنا قادح شرار وزندنا يقدح شراره !!!

[سلطان الجـذع]

زارنا قادح شرار وزندنا يقدح شراره = يعني الليلة على قول المثل نار وحريقه
طالبٍ يالله تعينه دوب جاء وقت اختباره = أقبلت له ساعهٍ فيها البطل يشرق بريقه

[قادح شرار]

زاركم قادح شرار اليوم يا وجه الخساره = يا رفيق ٍ لا مشا فالدرب ما يرحم رفيقه
الجذع شاعر حلو ..لكن ذبحته البطاره = كل ما عاين فطرقي ..راح وقـّف في طريقه

[مزلزل الشعار]

مبدع يالجذع وصح لسسسسسسسسسنك
ولسااااااااااااااااااااااااااااااااااااااااااااااا ااااااان
قادح ششششششششششششرار

[سلطان الجـذع]

البعير اللي منّول ماينوش الارض زاره = اخر الايام بارك له بحملٍ مايطيقه
وانت ياكل الحلا رد العباره بالعباره = لايجي فالقلب خوف ولايجي فالصدر ضيقه

[قادح شرار]

كل زرع ٍ لا كبر يا صاحبي نجني ثماره = وأحمد الله يا عميلي أصبحت عندي حديقه
كل تاجر يالجذع حطك على عين اعتباره = ما يبي بعض الحلال يروح من عنده سريقه

آخر تعديل قادح شرار يوم 24-Jul-2008 في 10:36 PM.

[قادح شرار]

المشاركة الأصلية كتبت بواسطة مزلزل الشعار

مبدع يالجذع وصح لسسسسسسسسسنك
ولسااااااااااااااااااااااااااااااااااااااااااااااا ااااااان
قادح ششششششششششششرار

صح بدنك يالمزلزل .

ومشكور على مرورك .

[ابن معتاد]

المشاركة الأصلية كتبت بواسطة سلطان الجـذع

البعير اللي منّول ماينوش الارض زاره = اخر الايام بارك له بحملٍ مايطيقه
وانت ياكل الحلا رد العباره بالعباره = لايجي فالقلب خوف ولايجي فالصدر ضيقه

صح لسانك يالجذع وصح لسان قادح

[شـــلـــهوب]

متابع وصحت ألسنتكم

[سلطان الجـذع]

في يمين الدرب خلك لاتعود في يساره = الحقيقة والله انا مانبا غير الحقيقه
والله نعرف التجار ونعرف التجاره = ولاطمع في حق غيره راعي اليمنى الطليقه

[قادح شرار]

الجذع يا ربعنا هوّن بعد ما شب ناره = ما لقي فالطرقة ألا شئ يحرق وسط ريقه
وش نسوي بعد ما تالد عقب كانت بكاره = كل والد يالجماعة مالها غير السليقه