ζζ…ΨΏΨஇياحن قلبي حنين بيوك [هجينيات للدجيما]இ₯ ΨΏΨ…ζζ

[عبدالله الجـــذع]

حنتي حنة مـن الهجـن منتلـة=في سموم الصيف حفيه ومردوفه
فوقها قرم رديفه ابن آخـي لـه=هم شريدة سرية تـو مصدوفـة
وارد عــد بعـيـد ولا دلــه=ويتقلب والظما محـرق جوفـه
اه من عين قضى دمعهـا كلـه=كنها عن لـذة النـوم مشغوفـه
يا محجرة البني مـا لكـم ملـة=ما بكم رجـل فهيـم وعاروفـه
ما تخلون المولـع علـى حلـه=لين يروى من هو الزين بكفوفـه
بو جديل فوق دمث النحر فلـه=اشقر يضفي على حد سرجوفـه

ذبحتني يا دقيق العـود=وانا احسب انك تداويني
ذبحتني با لعيون السود=والسلهمه يا بعد عينـي

طيري غدا والسلوقي راح=لا وا حلالاة يـا طيـري
اصيح وادعيه با لملـواح=واظن طيري لقى غيـري

فر قلبي من ضميري يـوم فـرا=فر حر شايف جـول الحبـاري
شاف زول لا بـلاك الله بشـرا=ما دريت انه لقتل الناس ضاري
لا تبي بيـت العنـود ولا تمـرا=الخطر يا للي على عمرك تداري
العنود سهيل والبيـض المجـرا=فرقها فرق الفتيل من السـواري
العنود هي العنود واخت سـرا=فارقاتـه بالزميـم والخـزاري

يا حن قلبي حنيـن بيـوك=لا عشقوا له على الثانـي
في سهلة فرملـه مفكـوك=سواقه خضيـر سودانـي
يا سعود يا خوي عاين دوك=كيـف الكراجـي تعدانـي
عقب التفندي وركب بيوك=اليوم فـي سـوق حمالـي

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[وافي الخماش]

عبدالله الجذع اتشوق لأن اراء لك مواضيع مثل هاذي يالذيب لا تحرمنا ..

طيري غدا والسلوقي راح
لا وا حلالاة يـا طيـري
اصيح وادعيه با لملـواح
واظن طيري لقى غيري

[عبدالرحمن الهيلوم]

لاهنت يالعبدي
ذكرتنا بالبيوك وحنين قيره
مشكووووووووووور علي النقل الجميل لشاعر ومبدع من الهيلا

[عبدالله الجـــذع]

المشاركة الأصلية كتبت بواسطة وافي الخماش

عبدالله الجذع اتشوق لأن اراء لك مواضيع مثل هاذي يالذيب لا تحرمنا ..

طيري غدا والسلوقي راح
لا وا حلالاة يـا طيـري
اصيح وادعيه با لملـواح
واظن طيري لقى غيري

وافي المميز هو شخصك الراقي الكريم
الف شكر لمرورك العذيب

محبك
.,

[عبدالله الجـــذع]

المشاركة الأصلية كتبت بواسطة عبدالرحمن الهيلوم

لاهنت يالعبدي
ذكرتنا بالبيوك وحنين قيره
مشكووووووووووور علي النقل الجميل لشاعر ومبدع من الهيلا

ابو داحم وينك يارجل

حياك يابعدي منور لاعدمتك

محبك

.,

[/عبد العزيز الجذع/]

يا حن قلبي حنيـن بيـوك=لا عشقوا له علـى الثانـي
في سهلة فرملـه مفكـوك=سواقـه خضيـر سودانـي
يا سعود يا خوي عاين دوك=كيـف الكراجـي تعدانـي
عقب التفندي وركب بيـوك=اليوم فـي سـوق حمالـي

الله..


هذي منتشرة عند الشياب..



الف شكر يالغالي على النقل الرااائع..

وقواكـ الله..

[عبدالله الجـــذع]

منور عبدالعزيز

الف شكر لمرورك الكريم

محبك

,

[بدر الكريزي]

""

الله يرحمه و يغفر له ..

شـاعر بحــق ..

شكراً عبدالله على النقل المميز ..

""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[فيصل المسعودي]

ما تخلون المولـع علـى حلـه
لين يروى من هو الزين بكفوفه
بو جديل فوق دمث النحـر فلـه
اشقر يضفي على حد سرجوفـه

الله الله

ذبحتني يا دقيق العـود
وانا احسب انك تداويني
ذبحتني با لعيون السود
والسلهمه يا بعد عيني

هذا بلا أبوك ياعقاب

شكراً عبدالله

على هذا النقل الجميل

شكراً يامبدع

تحياتي

[محمد العتيبي]

ياسلام ياسلام

انتقاء رائع ومميز .. تسلم
ياعبدالله ..
...

التوقيع

للتواصل عبر twitter تويتر al_bargawy@