البيوت المنــــاصيب

[محمد قبلان العتيبي]

البيوت المناصيب

يالله يامحصي هل الخير والطيب=يامقسم الارزاق شرقاً وغربا
يارازق العصفوريامعشي الذيب=يامنقذ الانسان من كل كربا
وفق لساني للبيوت المناصيب=واجعل لنا في سكة الطيب دربا
من خوف منقود الرياجيل والعيب=وناسٍ على طرد الأقاويل طربا
ومن بعدها عديت روس المراقيب=بالهاجس الي يضرب القاف ضربا
واخترت خوة مكملين المواجيب = الي لهم في هامة العز مربا
اهل الوفا والطيب واهل التراحيب=اهل القنا شرابة الدم شربا
قوم خلقها الله لهذي معازيب=من فعلهم كم شيخ راسه تدربا
بنحاش عن رفقة خبيث الهناديب=ماالله بحاديني لشخصه بقربا
ومن لا يعز النفس عقب التجاريب=يستاقها مع خايع الدرب جربا

[صنديد العصمه]

ومن لا يعز النفس عقب التجاريب/////يستاقها مع خايع الـدرب جربـا


الله الله
صح لسانك يامحمد على القصيده الرائعه ولا تحرمنا جديدك

تقبل مروري,,,

[مرزوق حمدان العتيبي]

وفق لساني للبيـوت المناصيـب
واجعل لنا في سكة الطيـب دربـا
من خوف منقود الرياجيل والعيب
وناسٍ على طرد الأقاويـل طربـا
..
.
لله درك .. وصح لسانك ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فواز علي الروقي]

ابو قبلان بيض الله وجهك ياقل من يكتب مثل هالقصايد صار ت الكتابه لعب
صح لسااااااااااااااااااااااااااااانك ومدام ذا كلامك ماتبي شهاده احد
تحياتي لك