هنا طلبات الاعضاء واستفساراتهم

[/عبد العزيز الجذع/]

لي احوالي ساعة وانا ابحث في المنتديات مالقيتها..!


او اذا لقيتها يقول لايمكن المشاهدة الا اذا سجلت..!



اعذرني اخوي...



لازلت مستمر في البحث...

[ابو ساره]

عبد العزيز بيض الله وجهك


واتعبتك معي طال عمرك


مار الله يرحم والديك يالذيب

[عمر الدغيلبي]

أبوساره

جاك يا مهنا ما تمنا

هذي القصيدة كاملة كتابيه

منقول بقلم الشاعر جابر بن هايف في أحد المنتديات

وقد ذكر أن القصيدة ستنزل بعد يومين إلى ديوانه الصوتي

في نفس الموقع ولكن لم أجدها بين قصائده

لاتزعلني وأنـا شاعـر يخـوّف فـي صوابـه = وإن زعلت الله يعينـك والله إن مافينـي حيلـه
مبتلش في نفسي وأنت أشغلتني وصارت طلابه = ألف مره قلت لـك مزحـك تـرى زوّدت كيلـه
منهو أنت ومنهو حنا هالسـؤال أبغـى جوابـه = هاتهـا مـن لحيتـك ياللـي تـدّور للفشيلـه
حط أيدك فوق راسك جعل يشبـع بـه غرابـه =مابقى غير أنت تحكـي فـي عتيبـه بالهزيلـه
لن أسامح قبل أشوفك منحنـي قـدر ومهابـه = نيلت من فـوق راسـك يالغبـي ستيـن نيلـه
أنا ماأشبه أحـد والزيـر سالـم لـي يشابـه = مثل منت الحين فـي عينـي تشابـه للجليلـه
ياكديش القوم قم والدرب يوصـل مـن مشابـه = منت كدش إلا جحش وأحصاننا أسمـع صهيلـه
من كويت العز أصهل والتفـت نجـد وهضابـه = والصدى يحفر في وداي الرشا ويسيـل سيلـه
الشعر لو مامـدح ربعـي أنـا ياويـش أبابـه = والله اللـي خصنـا بيـن القبايـل بالفضيلـه
أي خوال المصطفى حنا وحنـا مـن الصحابـه = بيننا عاش الرسول الهاشمـي وعنـدي دليلـه
عاش معنا وفي حمانا طفـل إلـى أول شبابـه = ثم عاد بحكمة الله وجـاب ديـن ٍ نهتـدي لـه
كان يرضع من حليمـه أختنـا وتغسـل ثيابـه = ومن حليمه لولا بنت سعد لـم تنجـب جميلـه
من بني سعد ٍ حليمه وحنـا معهـا فـي قرابـه = كلنـا بنـي سعـد أبـن هــوازن النبيـلـه
كنا في أرض الحجاز وجينا في نجـد ورحابـه = قادنا شيخ ٍ نصى له شيخ فـي أجمـل وسيلـه
ثم جانا الشيخ ثوبه قاصـر ٍ مـن حـرّ مابـه = وحنا جينا نروي كبد الشيخ مـن دّم الصقيلـه
جينا جينا غصب جينـا وتاكـل الجـن الذيابـه = وسط نجد أولنا وآخرنـا يركـبّ سـرج خيلـه
هايله من الهوايل مـن حسـب ضيّـع حسابـه = لاأجتمعنـا كـل حـيّ يشوفنـا نبـا نهيـلـه
ماجهلنـا كـل كائـن بلله وبــل السحـابـه = دام حنا روسنـا مـن فـوق أكتـاف المخيلـه
كوكب ٍ ع الأرض منزل من سمانـا الله جابـه = الله اللـي أنزلـه والله وحـده مـن يشيـلـه
ربعي الهيلا عتيبـه لابتـي هـم خيـر لابـه = من بحر جده إلـى شـط الفـرات وسلسبيلـه
ياعتيبـه وياعتيـبـه ياعتـابـه وياعتـابـه = ماهو نقص ٍ بالقبايل ميـر حنـا أعظـم قبيلـه
يامطانيخ الرجال اللـي علـى راسـي عصابـه = يامحولـة المحـال لحاجـه ماهـي مستحيلـه
يامعمـرة المساجـد حيـن تدعـو الإستجابـه = يامطاليـق الوجيـه ويامـروضـة الأصيـلـه
لولا خوفي من إله الكون وأخشى مـن عذابـه = قلـت حنـا آلهـه للطيـب وأسيـاد الجزيلـه
من خلقنا الله خلق فينا الشموخ مـع الصلابـه = كل عتيبي من خلق هو العظيـم بوسـط جيلـه
لـو نفـود السـر تحكـي نودهـا ولا ترابـه = ماذكر غير الشحم والعود وجمر أحـرق شليلـه
كم ضحك لنـا حقـود وممتلـي بالسـم نابـه = لكن النفـس الحقـود بسمهـا تصبـح قتيلـه
سيري سيري ياقوافل لو نبـح خلفـك كلابـه = لايهمـك كلـب ينبـح رابـط ٍ راسـه بذيلـه
اللي ماهو من عتيبه فيه سـؤال أبغـى جوابـه = ودي أعرف ليه عايش أو حياته ويش هي له !؟

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[وافي الخماش]

لا هنتم ابي طريقة تنزيل المقاطع لاهنتم وابـشـروا عشان نكون معكم ونزل مقااطع ..

[ابو فايح]

المقاطع فيديو ولا صوت وهي موجوده عندك على الجهاز او بتنزلها من فيديو او مسجل كل وحده لها طريقه

التوقيع

عالم تويتر abofayeh@

[وافي الخماش]

لا يابو فايح من فيديو ومسجل لا هنت يالذيب .

[ابو فايح]

من فيديو قلتلك لازم تركب قطعه اسمها كرت فيديو اما من المسجل هناك برنامج موجود في النت بس لازم يكون عندك سلك خاص توصله من المسجل الى الكمبيوتر وهذا تحصله في المحلات ايضا.

[وافي الخماش]

مشكور يابو فايح وياليت اذا ما عليك امر تنزل برنامج المسجل تعبنااك معنا يالقرم ..

[ابو فايح]

وافي انت تستاهل كل علم غانم اسم البرنامج RealProducer Plus G2 ابحث عنه في قوقل وراح تجده بالشرح بس زي ماقلتلك لازم سلك خاص

[رايد الجلاوي]

انا عندي طلب ابي الملف اي ملف في اليوتوب احطه في المنتدى تكفووون علموووووني لاتبخللوووووووووون على