نصائح من ذهب لحبيب العازمي

[وافي الخماش]

هذه ثلاث نصائح للشاعر الكبير / حبيب العازمي

كل نصيحة تتكون من أربعة أبيات

وهي عن الصح والخطأ ،،، والكلام الزائد في المجلس ،،، والرفيق والقريب

يقول حبيب العازمي /

النصيحه الأولى : الصح والخطاء

لولا الخطا محدن عرف قيمة الصح=ولولا الصحيح يصح جات الفضايح
شي طبيعي يـوم نـنـصح ونـنـْصح=النـاس كـانـوا يـشـتـرون الـنـصـايح
ياجاهلٍ في الوقت تـسـرح وتـمرح=تــرى الـحـيـاه لــهــا نـظـام ولـوايح
وأن كان ماتبغى كـلامـي هذا رح=واشـره عـلى اللي قال وين أنت رايح

النصيحه الثانية : الكلام الزائد في المجالس

ياهل الـهـروج الـعـرج لو تمشي العرج=خـطـوه وراء عـن خـطـوةً للأمامي
الصمت في بعض المجالس عن الهرج=يسوى مئة كلمه من أغلا الكلامي
ولـو كـل تـاجر في البـشر يفتح الدرج=مـا صـار لـلـتـجـار غـيـر الاســامي
وراع الـحـصـان اللي يعنّه بـلا سرج=لـو يـشـعـل الـنـيـران بـرد وسلامي

النصيحة الثالثة : الرفيق والقريب

مهما يجيك من الخطأ من رفـيـقك=حـاول تـغـاضـى والـخــطـأ لا يـجـي مـنـك
ترى رفيقك لـو وقـف في طـريـقك=مثل الرصيد أن (قل) وأن (زاد) في البنك
واعرف عدوك قبل تعرف صديقك=ومــن لا يحـس بـضـيـقـتـك مـادرى عنك
ولا تأيد المخطي لو أنه شـقـيـقـك=وش عذرك من اللي على ايسرك وايمنك

[/عبد العزيز الجذع/]

صح لسان ابو فيصل...


احسنت الاختيار يا وافي...



تحياتي........

[وافي الخماش]

شــآإكــر لك مرورك ولا هنت يالذيب ..

[محب الهيلا]

مشكور ويعطيك العافية

[وافي الخماش]

شــآإكــر لك مرورك ولا هنت يالذيب ..

[سعود الجعفري العنزي]

صح لسان ابو فيصل...


احسنت الاختيار يا وافي...اسم على مسماء

[محمد العتيبي]

الله الله الله

روائع نادره للاستاذ حبيّب العازمي ..
ابيات رائعه لابوفيصل تكفي عن ملاحم شعريه ..
سلم راسك على الذائقه الرائعه ..
...

التوقيع

للتواصل عبر twitter تويتر al_bargawy@

[فهيد مقعد الرويس]

صح السان

ابوفيصل

منتج حكم امد الله في عمره

ولاهنت على حسن الاختيار

ياوافي الخماش

تقبل تحيتي وتقديري

[وافي الخماش]

سعود العنزي


ابو مشعاب

فهد الرويس


شـــآإكــر لكم مروركم وتواصلكم ..


الله لا يحرمنا شوفــة هالوجيه الطيبة ..

[عبدالله الجـــذع]

صح لسآن ابوفيصل

نصآئح جميله من علم شعري

لاهنت ياوآفي

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا