--= مدخل =--
ارعدي يالسما لين السحايب تفيض=عل تحيا رياض جف بستانها
لجلجي لين يصحى كل عقلٍ مريض=لين تثبت نفوس صاح شيطانها
قولوا للراعي البهتان جاك النفيض=لارزم في حدودك هز وديانها
يا عسى كل غافل كان طرفه غميض=ينتبه لا اختلط بالنار دخانها
دوخوني ويكتبها بخط عريض=يا عسى نفس خصمي نقطع ألسانها
العجب يا عربنا كيف ديك يبيض=والدجاجة تصفق له بجنحانها
الحقايق غدت سواد ولاهي ببيض=والبعض غط صحنها وعنوانها
ايه والشمس اكبر من كلام الوميض=شامخة فوق محد بالسما هانها
وعلموا كل جاهل كان يبغي يغيض=لا يجي في حدود ما وصل شانها
تعتبر الشاعرة الكويتية ((سحايب خير)) من افضل الشاعرات المعاصرات في وقتنا الحالي
لاسيما ان ابياتها تتصف بالجزالة وقوة الألفاظ والقصيدة السابقة تتحدث عن امكانياتها
من وجهت نظري انها الشاعرة الخليجية الأولى..
واليكم هذه القصيدة التي قالتها في والدها..
لي الفخر وان قالوا أنك كحيلان= طيبك رفع راسي بالاقصا والادنين
فيك افتخر بالفعل ياطير حوران =وأعتز وان قالوا بطاريك نعمين
يابوي لو اوصف لك باشكال وألوان =اقالواالعربان بالوصف تكفين
حرام مايوفيك قافي... والاوزان =عجز قصيدي وان تعدى الملايين
يابوي حملك مايشلنه ... أوطان =ولا تهز فعول طيبك رديين
الطيب ورثك ماشريته ... بالاثمان =متسلسل من نبع ناس... عريبين
جدييني اللي بالصخا طيبهم ....بان=طيب عليه الله وخلقه شهيدين
ذيب القفر جدي وجدي .. ابليهان= ابوك وخالك مكرمين المساكين
كل ذكرهم بالجمايل ... ولأحسان =أفعالهم تذكر على العسر واللين
ولك عزوة بالجود والفعل شجعان= ووقفاتهم بالضيق تعرف من سنين
مافيهم اللي فيه بالطيب نقصان= قول صحيحٍ ولا يبي له براهين
الطيب طيب ولا ينقص هل الشان=كل القبايل في صخا الطيب وافين
والطيب ساسك وأنت للطيب ديوان =ياساسي الصافي ونبع الكريمين
لبست من طيبك على الراس تيجان =تاج قوي ولا تهزه ... سلاطين
ولي الفخر وان شلت اسمك بعنوان=ويقال لي يابنت ريف الضعيفين
ديوان بيتك صار مدهال ضيفان =لا قفلت بيبان بيتك بقفلين
يابوي كلٍ شاهد لك بوكدان =ديوان بيتك فاتحه للشكيلين
العود يوجدبه مع دلال رسلان= لضيوفك اللي زاهمينك وعانين
ويفرح بك الطرقي إليا جاك عمسان =ماقلت عندي للخاسرين موازين
صدرك وسيع وخاطرك دوم ماشان =يضحك حجاجاك في وجيه المزابين
تدمح خطا المخطي ولو كان ما كان= وتحشم هل الزلات لجل.. العزيزين
ومن جاك ضايق مامشى منك زعلان =يروح ... مايشكي ولا بخاطره شين
كم من سجين راهنه (شيك).. ديان = واطلقت قيده عن قيود المساجين
ماخاب من يزهمك في ضيم الازمان= تشيل حمله لو غدا الحمل حملين
يابوي بقلوب الشكيلين لك شان =والكل نعمٍ لك من أول وذا الحين
وبالطيب تمدحك الجماعه وجيران= واللي قريب الحد واللي بعيدين
وشلون ماافخر فيك ياذرب الايمان= وطيبك ينومس ياسليل الشريفين
كذلك للشاعرة سحايب خير مواقف طريفة مع أعداء النجاح ومن يرون ان المرأة لا يمكن ان تكون مبدعة.. وهو رأي مجحف، وعن بعض تلك المواقف تحدثت الصحافة الكويتية حديثاً أنصف الشعر النسائي من خلال انصافه لشاعرية سحايب خير.
وعن تلك المواقف كتبت الشاعرة هذه المقطوعة الجميلة:
لا يهمك كلام قايلينه وحوش=خل كل يقول الهرج دامه بلاش
لو فرضنا السوالف تنشري بالقروش=ما حدٍ ينطق الكلمة ولا حس جاش
يحسبونك تبي تسمع كلام الوشوش=وانت راسي ولا صدقت هرج الوشاش
لعن ابوهم يحسبون الخفوق مغشوش=ما دروا عنك يوم ان السوالف تواش
ليت من هو عذلنا داري بالطروش=يوم جابت لك علومي وكادٍ ابكاش
فز قلبك من الفرحة بوجه بشوش=لين شفت الرسالة وهل دمعك طشاش
ويوم جتني علومك اغرقن الرموش=سال دمعي وقلبي صار مثل الهشاش
من يعلم وحوش للسوالف تحوش=عن غلانا اليا من صار عنا النقاش
مشكله ما عرفنا وجه ذاك الوشوش=الخفايا مغشوشة والوجيه اتباش
هذا بعض مااستطعت جمعه للشاعرة "سحايب خير"
اتمنى ان اكون وفقت..
اخوكم فرهودي
« آخـــر الـــمـــشـــاركــــات »
16-Dec-2004, 03:18 PM
مختارات للشاعرة الكبيرة .. ((سحايب خير))
العرض العادي
