اول مصافحه .....لاصاحت العذراء وبانت دمعت(ن) بعيونها....المملكه العربيه السعوديه!!!

[محمد بن غالب الممخور]

السلام عليكم ورحمة الله وبركاته..
اخواني واخواتي أعضاء وزوار هذا الصرح الشامخ هذه البسيطه اول مصافحه لي في هذا المنتدى الرائع وهي عباره عن مشاعر تنتج من كل مواطن يعيش في هذا الوطن المعطاء الوطن الحبيب مملكتنا الغاليه
المملكه العربيه السعوديه وانا افضل ان تكون اول قصائدي في هذا المنتدى الجميل عن موطني وهذه هي القصيده:

في داخلي حب ولاء يجري مع الدم ويسير=يجري مع عروق الدما حتى تغير لونها
حب ولاء في خافقي ماضنتي مثله يصير=للديره اللي مرخص(ن)روحي ترا من دونها
من دونها حنا ترا يالايمي قوم(ن) نغير=قوم(ن)نغير ونرخص الدنيا عشان نصونها
داري ترا دار الكرم والخيل والسيف الشطير=وشهادة الحق بعلمها للعلا مضمونها
دار الإمام اللي حكمها في ضحى اليوم العسير=اللي حكمها ماحسب لسوارها وحصونها
دار الشجاعه والقيم والموت والجمع الغفير=لاصاحت العذرا وبانت دمعت(ن) بعيونها
حنا حمى هذا الوطن في فزعة اليوم الخطير=نبقى دروع(ن) للوطن ونضد من يبغونها
وانا سعودي والوطن في داخلي حبه كبير=حب(ن)نبت في داخلي مثل الشجر وغصونها
حب(ن)ورثته للوطن فيني وانا سني صغير=حب(ن)فطمته من صغر وانا ترا مضنونها
يادار حبك في الحشا طير(ن)وفي صدري يطير=كن الحشا وكرن وهو يطير فوق مزونها
داري غلاها لو سكن في واحد(ن)لوه ضرير=كنه يراله جنة(ن)لون الخضار بلونها
دارن(ن)بها البيت الحرام وقبلة الكون المثير=الله خلقها شامخه كل البشر ينونها
مدام فيها مسجد محمد رسول الله بخير=وقبر النبي فيها وانا يالايمي مفتونها

وسلامــــتكم


اخوكم محمد بن غالب الممخور

[عبدالرحمن الهيلوم]

لاهنت يابو غالب
موفق دنيا واخره
وصح السانك
وفي انتظار ابداعاتك يالذيب

[محمد بن غالب الممخور]

الله يسلمك وصح بدنك يالغالي وشرف لي مرورك يالقرم




تحياااااااتي

[ظافر العتيبي]

ونعم يامحمد


قصيده جزله والوطن يستاهل


ننتظر ابداعك

تقبل مروري

[مرزوق حمدان العتيبي]

..
.

صح لسانك يامحمد ..
وحياك الله بين اخوانك .. نسعد ونتشرف بوجودك بيناّ ...
تنقل للقسم المخصص لقصائد الاعضاء
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد بن غالب الممخور]

صح بدنك اخوي ظافر وبيض الله وجهك


تحيااااتي

[محمد بن غالب الممخور]

الله يسلمك اخوي مرزوق وصح بدنك

وتحياااتي لك يالغالي



تحياااااتي

[نواف العصيمي]

الله الله ..


صح لسانك جزله من شاعر جزل

...




ولك التقدير والإحترام

التوقيع

[محمد بن غالب الممخور]

نواف العصيمي صح بدنك ومرورك يشرفني



تحيااااااتي

[معجب العتيبي]

صح لسانك

وقصيده جميله


ننتظر المزيد من الابداعات

التوقيع