ياصــــــــاحــــــــــــــــبي

[ابراهيم الزراقي]

بسم الله الرحمن الرحيم

اقدم لك هذه المتواضعه واتمنى انها تعجبكم

ياصاحبي يلـي رحلـت ورحـت فالـدرب العسيـر=مـاهـو كــذا بـعـد الـوفـا نفـسـي مـعـاك تـذلـهـا
ولاهو وفا تتـرك محبتنـا تحـت شمـس الهجيـر=ولاهـو جفـا لــن قلتـلـي طالـبـك نفـسـي خلـهـا
لكـن انـا عنـدي بـعـد فـرقـاك مشـراهـن كبـيـر=مــدري زعــل ولا عـتـب بــس اتـوقــع كـلـهـا
وراك تتركنـي وحيـد وفالزمـن وضعـي خطـيـر=دارت عـلـي هـمـوم بقـعـاء دقـهـا مـــع جـلـهـا
ماتدري اني في غيابـك صـرت آشابـه للكسيـر=الـــي مـعـيـب سـاقــه الـجـبـار يــومــه تـلـهــا
ولاتدري أن اصعب فراق, فراق من حبه يسير=ـعـروق دم الـــي فـراقــك ياصحـيـبـي عـلـهـا
ولاتدري أن جروح قلبـي كنهـا بسيفـن شطيـر=واقسى عذاب مـن الجـروح الـي خفوقـي ملهـا
لكن انا بنشدك عن شيـن وسـط صـدري يحيـر=وأبـغـى الأجـابـه قـبـل عيـنـي دمعـهـا يحتـلـهـا
وشلون تترك صاحبك وحده مع الضلمى يسيـر=وانــت الــي تـقـول المعزه مـاحـدن واصلـهـا
ماكنت اظن اني انا قدري وسط صـدرك صغيـر=إلا بـعـد ماشـفـت انــا كـيـد السـنـيـن وغـلـهـا
ولاكنت اظن انك تبي فرقـاي فـي حـزة عصيـر=إلا بعـد ماشفـت انــا أوراق الجـفـا فــي حلـهـا

آخر تعديل ابراهيم الزراقي يوم 17-Mar-2008 في 09:02 PM.

[أبو نجر النفيعي]

..

الله الله يا ابراهيم ..

قصيده رائعه .. صح لسانك ..

وفي انتظار جديدك ..



أخوك

التوقيع

.....

[نجر بن هاجد]

صح لسانك يالذيب

[ابراهيم الزراقي]

المشاركة الأصلية كتبت بواسطة أبو نجر النفيعي

..

الله الله يا ابراهيم ..

قصيده رائعه .. صح لسانك ..

وفي انتظار جديدك ..



أخوك

الله يعافيك ولايهينك فخر كبير انك رديت على قصيدتي

[اٌٍلٍٍُخٌٍـٍُاٍُصٍُ]

ماتدري اني في غيابك صرت آشابه للكسيـر
الـي معيـب ساقـه الجبـار يومـه تلـهـا
عزززززززاه

الله

الله

الله

الله

الله عليك

صح الله لسانك يا ابو خليل ولا هنت امتعتناا بنصك

سجل اعجابي وشكرآ

[معجب العتيبي]

صح لسانك يامبدع

دائما تأتي بما يلفت الانظار بروعته

نتطلع للمزيد والاجمل

التوقيع

[محب الهيلا]

قصيدة رائعة

يعطيك العافية

[فهد الزيادي]

صح لسااااااانك يابراهيم على القصيده