من باب عز النفس وأنس الماضـي=طويـت صفحـات الزمـان المـره

[ابو ناصر 2002]

هذه قصيدة للشاعر سعود بن حــــادي الدلبحي

اتمنى ان ترتقي للمأمول

من باب عز النفس وأنس الماضـي=طويـت صفحـات الزمـان المـره
ولميت من دنيا الغـرام أغراضـي=وقررت أسافـر وأنتحـي بالمـره
هاذي سنتين وحال حالـي قاضـي=وأونس على كبـدي لهيـب وحـره
بـراق خلـي يـوم شـع وناضـي=صرت أتبعه من حرتن فـي حـره
ضميت زمولي وأجدبـن حياضـي=وأنا علـى دربـه وأقـص الجـره
ملهاب قيـض وشاعـر ٍ مغتاضـي=والصوت من شين البـلاوي جـره
ما أحدن على ما صاب حالي راضي=وخلي بصده ضـر حالـي ضـره
عيونـه الجانـي وقلبـه قـاضـي=وقلبي صويب ٍ ما سلم مـن شـره
حشاي لجيـوش الغـلا مركاضـي=لهـا علـى قلـب المعنَّـا كــره
ودمع العيون مـن الجفـا فيَّاضـي=والجرح دكتـور الهـوا مـا سـره
كنت أنتقي لرضاه جـزل ألفاضـي=والنفـس بأحـلام اللقـا مغـتـره
وأمسيت لحروب الجفـا خوّاضـي=وين أنت يا مرسـى الآمـان وبـره
لا مهمّشـن صـده ولا متغـاضـي=قتلـت حبـه وأبـردي يـا حــره
وعساي باللي مـا يصـد أعتاضـي=خـل ٍ وفـيّ يبقـى لعينـي قـره

وسلامة الجميع

آخر تعديل ابو ناصر 2002 يوم 24-Feb-2008 في 01:56 PM.

[عبدالله الجـــذع]

ماشاء الله عليه

قصيده في قمه الروعه والجمال.

صح لسان شاعرنا سعود .

لاهنت على النقله ياناصر

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

صح السان ابن حادي ومشكوووووووووووور يالغالي

[محب الهيلا]

مشكور وماقصرت

على النقل الموفق

[ابو ناصر 2002]

الاخواااااااااان

عبدالله الجذع &&عبدالرحمن الهيلوم &&محب الهيلا

شاكر لكم مروركم

[فهد النفيعي]

صح لسان الدلبحي

وسلمت على النقل

[ابو ناصر 2002]

فهد النفيعي

مشكور على المرور يا الغالي

[عتيبي وافتخربربعي511]

ماشاء الله عليه

قصيده في قمه الروعه والجمال.

صح لسان شاعرنا سعود .

لاهنت على النقله ياناصر