لاتحتس يازايد ترى ماني بزعلان=ولايزعلك ماصار في شاطي الراحه

[رشيدالهديرس]

قصيده قويه للشاعر المبدع فالح بن محمد بن قشعم الهاجري
بعد خروجه من مسابقه شاعر المليون

لاتحتس يازايد ترى ماني بزعلان=ولايزعلك ماصار في شاطي الراحه
مدام الروابع طيّبه والحصان احصان=ليا من تعثر شال عمره من الطاحه
نسفنا العلوم اخلاف ماكن شيٍ كان=وقدنا الركايب واخلت العد وامراحه
تقدمت والموقف يبي مثلي بليهان=ليا كبرت القاله مايومي بمسباحه
لو ان الفشق توّي وخلفي وانا النيشان=نطحت الجموع وغلقة الصدر منساحه
شموخي وانا فالح ولد مكرم الضيفان=علي والله انه اغلى من البنك وارباحه
ماضريت نفسي للمهونه ولا الحقران=اعزومي عصاميّه ولي نفس جمّاحه
ماجينا نمسّح جوخ وانراضي الشيخان=مطاليق واعزوم المطاليق شوّاحه
ولايشغل العقّال ماقالو الخبلان=تسير القوافل والنوابيح نبّاحه
يكفيني ان عقلي من الثقل شانه شان=ماني بهلوانٍ يوذي الخلق بصياحه
مدام ان ماء وجهي حميته ونجمي بان=فلاهمني قفلٍ مايدري بمفتاحه
تشوم الحرار وتكسر الحوم فالجنحان=ولا عاد يغريها الملوّح بملواحه
عزيزين لو مانملك اللول والمرجان=الانظار عليا والطواريق صدّاحه
اغوص البحر واجيب من غالية الأثمان=الأفكار غبّه والهواجيس سبّاحه
اصب المثل صب الذهب واحكم الاوزان=واداري عليها من قلم ناقد الساحه
ولاهو بحقٍ تحجب النور ياغسّان=عشان العلاقه بيننا شبه فوّاحه
نقدت القصيده نقد ماهو على برهان=ومديت لي كفٍ من البغض مجتاحه
على شانني غنيت في قبلة الأوطان=وكشفت الحقايق بين مزحه ورزاحه
صحيح ان عين البغض ماتعرف الصفطان=وعين الرضا تغني من الاش واشفاحه
يانفدا القروم اللي لهم موقفٍ بطران=مساء ليلةٍ فيها الموازين رجّاحه
اهل وقفةٍ يطلق بها الخاطر العمسان=تزاحم عزاويهم والافعال سفّاحه
تقول ان فيهم من سريع الحمايا جان=على الشات يدوي فعلهم دوي قدّاحه
مواريث قومٍ فاللقا تنطح الفرسان=مقابيس حربٍ تلطم الشره برماحه
بني هاجرٍ لاضاق صدر الحليم وشان=لاعاجت على دق المقاهير طيّاحه
يروون حدٍ يفصل الروس من الامتان=الين العدو يبطي وهو ينقل اجراحه
رواسي عبيده والنسب روس من قحطان=ماحن لحقةٍ تكتب وتمسح بمسّاحه
وعسى الله يبيض وجه من مدوّ الايمان=ولاقصرو وابروق الاجواد لوّاحه
من احلافنا واصحابنا والكريم امعان=لهم ترفع البيضا على هضبة الباحه
لكن جعلها خيره فما اختاره الرحمن=تطيب الجروح وعرضة ابليس منزاحه
معا خالص التقدير والشكر والعرفان=ياهل فزعةٍ يشهد لها شاطي الراحه

[@ـايل]

عزالله انها قويه وملغومه وموجهه ههههههههه يستاهلون والله شاطي الراحه وصح لسان الشاعر على الابيات

والله يعطيك العافيه اخوي الهديريس على النقل

التوقيع

تويتر : AlHooL@

آخر تعديل @ـايل يوم 15-Feb-2008 في 04:17 PM.

[عبدالله الجـــذع]

صح لسان الشاعر..
مشكور ع النقله المميزه..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

صح السان الشاعر وشكرا يالغالي علي النقل

[بصراحه]

مشكور على النقل ............. لكن والله العالم محتاسه بصراحه ...... الكثير من الشعراء المشاركين مدحو البرنامج واخرين مدحو اللجنه والبقيه مدحو صاحب الفكره ...... والجديد هنا هذه القصيده التي تعترض على دكتور اللجنه ....... القبائل غاضبون كل قبيله تطمح بالفوز باللقب ...... وكل دوله تتمنى ان تحتضن البيرق ....... اااااااااااااااعتقد الشغله ماصارت تنافس شريف صارت الحرب خدعه ...... وحيال وتحايل مدري شقول بس يالله مع السلامه ......... مشكور يالهديرس

[عبدالله بن دبيس العتيبي]

الله يعطيك العافية ياخوي رشيد

وصح اللسان ابن قشعم




وتقبل تحياتي