حالم(ن) لي حلم ما كل الرجال يفسرونه؟؟؟

[مرزوق الجعيد]

السلام عليكم ورحمة الله وبركاته

الله يسعد اوقاتكم


اولا اتمنا النجاح للاخوه الي توهم منتهين من الاختبارات واتمنا لهم صيفيه سعيده


استلمو اللغز وصلني على الجوال وما عرفت احله واتمنا اجد حله


حالم ن لي حلم ما كل الرجال يفسرونه
========================ما يحله كود رجال ن بخيصن بالمعاني
حالم وليا البحر جايه رجال يشربونه
=========================يشربون الما وطينه يلحسونه باللساني
العدد عشره وريسهم عيونه في متونه
=========================كل رجل بعشر روس وكل راس بعشر اذاني


وسلامتكم

[الــوآفــي]

مهوب الظاهر انك تبا تلقى حل

جنني له شهر ولا لقيت احد يعرفه

(حالم وليا البحر جايه رجال يشربونه) هذا العلم والعلماااء او طلاب العلم

والباقي والله ما ادري

[الــوآفــي]

اخوي مرزوق لقيت لي حل والظاهر انه صح

الوايت ( السكس)

حالم ن لي حلم ما كل الرجال يفسرونه
========================ما يحله كود رجال ن بخيصن بالمعاني
حالم وليا البحر جايه رجال يشربونه ( ليات الوايت)
=========================يشربون الما وطينه يلحسونه باللساني( عن طريق الشفط)
العدد عشره وريسهم عيونه في متونه( كفرات السكس) والشمعات اللي في الراس
=========================كل رجل بعشر روس وكل راس بعشر اذاني( عشر مسامير للكفر الواحد وعشر صواميل )


والله اعللللللللم

[ابوسليمان]

اللغز هذا جايبلي الضغط

وانا اتوقع والله اعلم ان حله

الرشاش حق المزارع

تقولون لي ..........كيف؟؟؟؟؟؟؟

اقول مدري.......؟

[الــوآفــي]

مافيه حل اقرب من اللي جبته لكم

ركزو في الحل والظاهر انه صح

[مرزوق الجعيد]

الاخ ذيبان

رمعت لك رمعه طيبه لكن
يوم يقول
يشربون الما وطينه يلحسونه باللساني

الليات حقت الوايت اذا شفط الماطور ما تسحب الطين الله يعزك انت والقاري العزيز

هنا ذكر لحس حاول انت والاعضاء الكرام والا انا على قول المثل



والا بلاش حتى المثل مهو راضي يجي

تحياتي للجميع