محاوره بين فيصل وحبيب (قديمه)]

[عبدالرحمن الهيلوم]

هذي محاورة بين الشاعر الكبير فيصل الرياحي البقمي

والشاعر الكبير حبيب العازمي العتيبي


[" فيصل:
الليله الليله نبا عسكر من جنود المرور"="الزحمة اللي فالبلد ياكثرسياراتها
مستور طيب مثل أبن جرشان مافيهم قصور"="مدري متى تصفا النفوس وتنتهي ضيقاتها

حبيب:
الليله الليله ترانا مانبا البندق تثور"="مالك ومال المشكلة وأحيا العرب ومواتها
تراء رجال المعرفة يبدي لهم فاليل دور"="حنا بنيه والعرب تمشي على نياتها

فيصل:
المعرفة مثل الذهب عند النشاما ماتبور"="أما أخذها من ناس ود الناس ولا هاتها
طاح المطر وأثر الشجر مليان من كل الطيور"="قبل المطر ينزل عليها ماسمعت أصواتها

حبيب:
بالله معنا بعد هذي لا تلف ولا تدور"="وأبغاك يافيصل تجي بين العصا ولحاتها
قدام تبنون الخيام البيض بنينا القصور"="واللي تهل دموعها بين أمها وأخواتها

فيصل:
ياعازمي ياعازمي مافي صحارى نجد حور"="نلقاء بها الشاوية اللي تحتلب من شاتها
حنا موردة القناء حنا سبابيح البحور"="وسيوفنا اللي تلتمع لا تعترض سلاتها

حبيب:
مديت كفك يا الرياحي مع مخاليب الصقور"="تبا تغير أمع العرب وتغيب عن غاراتها
خل الذبيحة في صحنها والجنايز فالقبور"="وأنكان جتبك حزة الرحمن من حزاتها

فيصل:
الاصل فينا ياحبيب وأنت طيب ومخبور"="تراي الى هالحين والله ماكشفت أغطاتها
لو أن ظهري منعوج هرجت عوجان الظهور"="عود على أمك لا هداك الله وأخذ محلاتها

حبيب:
الملك لي يافيصل العيه ولا هوب مخشور"="فتح سمعوك لرواه اليا سمعت رواتها
وأنكان عندك عذر بين قول عذرك ومعذور"="وأرجع على صنعاء عساء صنعاء يغلق قاتها

فيصل:
اللي عرف جده وخاله وشبلا دمه يفور"="فتش صناديق البريد وشوف برقياتها
أنته وراى منساب بيتي من قديمات العصور"="ماشمتك مير الناس يعرف قصتك شماتها

حبيب:
مافيه عندي شك في نفسي ولا عندي غرور"="لو الاذاعة شوشت ولا قفلت موجاتها


أرجوا أن أكون وفقت في نقلها من شريط الفديو

تحياتي لكم

[@ـايل]

الله يعطيك العافيه يالهيلوم على نقل المحاوره

لشاعرنا الطيب حبيب الله يحفظه

اشكرك والى الامام

التوقيع

تويتر : AlHooL@

[عبدالرحمن الهيلوم]

مشكوووووووور يالغالي علي المرور