تحت مسؤوليتك: كيف تتخلص من مخالفة سرعة قبل ما يكتبها الشرطي !!

[عبدالرحمن الهيلوم]

في أحد الطرق السريعة ، واحد مسرع فوق اللزوم وقفه الشرطي على جنب
نزل الشرطي ودار بينهم هذا الحديث :

الشرطي : ممكن الرخصة ؟
السائق : آسف رخصتي منتهية ..

الشرطي : طيب الاستمارة ؟
السائق : هذي ماهي سيارتي ، أنا سارقها .

الشرطي : تقول السيارة مسروقة ؟
السائق : نعم ، بس لحظة تذكرت ، أظن أني شفت الاستمارة في درج السيارة لما حطيت مسدسي فيه .

الشرطي : معك في درج السيارة مسدس بعد ؟
السائق : نعم ، حطيته بعد ما قتلت صاحب السيارة وحطيت جثته في شنطة السيارة

الشرطي : وفيه جثة معك في السيارة بعد ؟
السائق : نعم .

الشرطي سمع ها الكلام قام على طول صوب المسدس على السائق وقال له ولا حركة ، وكلم الضابط المناوب حقه وبلغه باللي سمع من السائق ... وبسرعة جت سيارات الشرطة وحاصروا السيارة ، جاء الضابط وقرب من عند السائق يبغى يتأكد .

الضابط : ممكن أشوف الرخصة ؟
السائق : أكيد ، تفضل ،وكانت الرخصة سليمة .

الضابط : سيارة مين هذي ؟
السائق : سيارتي، وهذي الاستمارة .

الضابط : لو سمحت تفتح الدرج بهدوء عشان أشوف إذا كان فيه مسدس؟
السائق : بكل تأكيد ، بس ترى ما فيه مسدس ، حتى شوف ما فيه أي شي في الدرج .

الضابط : طيب إذا سمحت تفتح شنطة السيارة أبلغوني أنك قلت أن فيه جثة .
السائق : ما فيه مشكلة ، الشنطة أنفتحت ، ما فيه أي جثة ..؟؟

الضابط : شيء غريب ..الشرطي اللي وقفك قال أنك قلت له أن ما معك رخصة
وسرقت السيارة ومعك في الدرج مسدس وفيه جثة في الشنطة .. .

السائق : حسبي الله عليه .. .. الكذاب ، أكيد بعد قال لك أني مسرع..

[محب الهيلا]

مشكور وماقصرت

ايضاً وش دخل الموضوع في النثر

[@ـايل]

كككككككككككككككككككككككك


كهكهكهكهكهكهكهكهكه

الله يرج بليسك يالهيلوم

بس اخاف اذا قلتها ينقلب السحر على الساحر

وتراها على مسؤوووليتك يالهيلوووم ههههه

التوقيع

تويتر : AlHooL@

[عبدالرحمن الهيلوم]

ياحليلك يالهايل مشكور اخوي