قصيده في النقيب الهاجري؟

[صـويب الرمـــش*]

بسم الله الرحمن الرحيم

هذي القصيده للشاعر: ربيع مقبول الشفيعي العصيمي
والقصيده مسنده للنقيب: عبدالعزيز محمد الهاجري ,
ويقوووووول...

سلام يانجم المكارم والاخلاق ** اللي بظلمات الدجى يقتدابه
عداد ماتكتب حروف(ن) بالاوراق ** وانقى من الماء من ثقيل السحابه
تحية(ن) تلبس حلي(ن)وتشتاق ** للجانب اللي فيه عز ومهابه
موجة صداها تتسع كل الافاق ** منها السموع اللي مغفل تنابه
مابان في عنوانها كذب ونفاق ** تاجد من أصحاب العقول الاجابه
مكنونة(ن) بأغلى ثمن قاع الاعماق ** در البحر ماكل سباح جابه
الشعر للاجيال مصدر وميثاق ** والاعربي منذ السنين اعتنابه
تذهب فطاحيله ومنظومهم باق ** على الحقايق يثبت اللي حكابه
المنهل اللي باعذب الشعر دفاق ** قلب(ن) سطى فيه الزمان اهتنابه
يطيب تعبير المشاعر والاشواق ** يفتح على مأمون الاسرار بابه
شي(ن) جرا للقلب ماعاد ينطاق ** الصبر مر وكل شي قضابه
كالحنظله مره ولاهي بتنذاق ** صبري بقاه اصبح مساوي ذهابه
ياخذبي الهاجس لغيبات الاشفاق ** لأقبل ظلام الليل قلبي سرابه
جفن العنا ماهو على الموق طباق ** يرعى سواهير النجوم برقابه
الوقت لأصناف الغرابيل خلاق ** عنا القلوب واللي امره بلابه
ماتسند الشكوى لخيب وتنساق ** هيت(ن) من اجداده يدق الردابه
تسند على شرواك يامال الاوفاق ** وفقت في فعل(ن) يبيض اكتابه
تجلت افعالك مثل شمس الاشراق ** ماهي من الساس الجويد بغرابه
ساسك تسلسل من عريبن الاعراق ** أهل المقام اللي يضد الحرابه
هواجر في كون تنشيف الارياق ** منهم يشوف الجمع ضيم وغلابه
قوم(ن) حماهم رغم الاكوان ماضاق ** حصن(ن) حصين ويذري اللي لجابه
في سابق الدنيا وماكان لحاق ** السف الابلج ماتغير نصابه
على فعايلهم شهود بالاصداق ** تشهد لهم خندف وتشهد شبابه
اليوم ياذخر الرياجيل الاطلاق ** القلب هاجوس الهموم التوابه
الصدر محكوم على الهم بأغلاق ** عليك مكنون الضمير ابتدابه
يابو محمد ياسند كل منعاق ** مثلك يعاتبنا ونقبل عتابه
ندري تصاريفك ماهي بغض وشقاق ** تذكير والرجال يحسب حسابه
حداني التغريب عن كل مالاق ** عامين قلبي واقفله عذابه
مالوم قلب(ن) في هوا نجد عشاق ** من ظلم للعارض حمايا عتابه
مرابع الهيلا رفيعين الاذواق ** أحيو عزيزين المناسب ترابه
ماكنت ناوي شايبيني بالافراق ** كل(ن) بدا شيبه واقفى شبابه
يبغون من يحظى عليهم بالارفاق ** يكسب جزا رب العباد وثوابه
في كل يومن والتلفون دقاق ** خوفي خلاف(ن) خاطري مادرابه
كيف اهتني بالنوم والفكر ماراق ** مع كل صوب راح فكري نهابه
هذا سبب كل المتاعب والارهاق ** رزقي تحملت التعب والشقابه
الله هو الوالي على صرف الارزاق ** الادمي مقسوم ربه رضابه
؟
؟وارجوا أن تحوز على رضاكم
؟
؟ وسلامتكم |||| الشاعر = ربيع مقبول العصيمي

[وصل العطياني؟؟؟]

صح لسانك ولسان الشاعر ...
تسلم يالغالي..



تحيااااااااتي

التوقيع

na111na@hotmail.com

[صـويب الرمـــش*]

وصل العطياني؟؟؟

شكرا على مرورك , الله لايهينك