ابو فلاح مساء الخير!!...

[سلمان الروقي]

سرى الليل يالفالح وليلك غرابيل=تحيزم ترى قافيك طرقه طويله
من العام وانت تشيل وتحط وتشيل=ولا شفت لك منتوج ظاهر حصيله

[علي فلاح العضياني]

سرى الليل وانته مبتدي فاول الليل=وانا اسري على الشعار في كل ليله
لا تظلم رفيقك متعب الجيش والخيل=انا بالمعزّه فوق سرج الاصيله

التوقيع

(( رأس الحكمه مخافة الله ))

[عيد العازمي]

سلمان صح لسانك


الفالح كفو لاهنت

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[صخر]

المشاركة الأصلية كتبت بواسطة الفالح

سرى الليل وانته مبتدي فاول الليل=وانا اسري على الشعار في كل ليله
لا تظلم رفيقك متعب الجيش والخيل=انا بالمعزّه فوق سرج الاصيله

سلمان صح لسانك الفالح صح لسانك

سرى الله = سرى الليل

[عيد العازمي]

سرى الليل وانته مبتدي فاول الليـل
وانا اسري على الشعار في كل ليله

[سلمان الروقي]

علومك تراها كلبوها تهاويل=ترانا نعرف الذيب دم وفصيله
انا خابر رجال وتوفي الكيل=ومعروف يابن الناس مافيك حيله

[سلمان الروقي]

العازمي مرورك يسعدنا ويشرفنا
صخر مرورك شرف الله يطول عمرك

[علي فلاح العضياني]

علومي وانا الفالح علوم الرياجيل=ومن لا يثمّن كلمته عزّتيله
ورى ما غزيت سليم و مطير و هذيل=انا وانت ربع وكلنا من قبيله

[علي فلاح العضياني]

اشكر جميع الاخوان اللي حقيقه نوّروا الصفحه وتحياتي لهم

[سلمان الروقي]

نعد الحقايق وانت مارضا لك الميل=وبديك بالمده ومد الجزيله
بروق الحياء جاتك من القبله اتخيل=ومن يعترض لسيل يبغا يشيله