نصيحة

[عبدالله العريدي]

قصيدة للشاعر المتألق و المبدع و المتميز / محمد وليد العريدي

أحبْ أخاوي لي.. رفيقٍ سنافي =مِنْ روس قومٍ ينطحون الطوابير
راع الفعايل.. لا حصل لي خلافي =مشكاي لا ضاقتْ علي التدابير
الصاحب.. اللي طول الأيام وافي =لو مال وقته ما حصل فيه تغيير
قول وفعل.. واليا وعد دوم يافي =على النقا يفعل ولا منه تقصير
عن واجبه.. لا شك ما يوم خافي =يسوق روحه.. للقا والمخاطير
له ما قفٍ معروف.. وفعل يشافي =قرمٍ.. وإله عند المناعير تقدير
وأنا معه.. فاليسر والعسر وافي =أبقى معه وقت الرخا والمعاسير
والأ الردي نوره مع الوقت طافي =مستغني عنه رفقته.. يالمناعير
أهل الردى وأهل النفوس الضعافي =يا عنك ما منهم.. يا كود المخاسير
سود القلوب.. أهل العقول الخفافي =مجمّعين القول.. من دون تقرير
يا ما أهرجوا بالكذب في عرض غافي =ويا ما سعوا للشر من دون تقصير
لا شك رفقتهم.. تراها تعافي =ومن لامني.. عساه ما ينظر الخير

محمد وليد العريدي

http://www.al-jazirah.com/84241/tr7d.htm

[عبدالله العريدي]

اسف على تكرار الموضوع و ارجوال من المشرف حذف القصيدة الاولى ( نصيحة ) لانها مكرره

[محمد الـعـريدي]

الاخ / عبدالله العريدي ... ..


كل الشكر يالغالي .. على النقل .. وبيض الله وجهك .. .. ..


تقبل تحياتي ...

[فهد النفيعي]

نصيحه رائعه

دام جديدك

[عبدالله العريدي]

اخي محمد العريدي

اشكرك يالغالي على مرورك

تقبل تحياتي

[عبدالله العريدي]

اخي فهد النفيعي

الف شكر على مرورك يالغالي

تقبل تحياتي

ابو خالد