ردود الفعل وانطباعات محاورة كشب !!

[طلال الثبيتي]

مساء الخير ..

وش حالكم يالربع ..


مافي نفر سعودي ماعنده خبر عن محاورة كشب والتي جرت بين حبيب العازمي وتركي 2000 ..

مع ان المحاوره ماكملت الاسبوع الا انها انتشرت انتشار واسع ..

وتفاوتت وجهات الانظار وردود الفعل والانطباعات ..

فــ منهم من يرجح كفة شاعر عن غيره ..

فــ الاخوان من قبيلة مطير صار في منتداهم زحمه وتعدي وكلام غير لائق وتفسيرات خاطئه بــ حق المحاوره ..

فــ أنا فتحت هــ الموضوع ونبي نتناقش موضوع المحاوره ومن يبي يحلل يتفضل .. بكل عقلانيه ..

وانا طالبكم يالربع بدون اي انتقاد جارح او كلام غير لائق لانه هذي ماهي عوايدنا ..

كل شاعر او متذوق للشعر يدلي بــ دلوه ..

[طلال الثبيتي]

المشاركة الأصلية كتبت بواسطة الـــقـــرم

مــسّــاكـم الله بـالخيــر ..

الـتحليـل مـن الأخ ../ شـقـصـان

وهو يـحـاج الـمطـران فـي منتداهـم وعرفو اللغم وسكّتـو كلهم وعرفو الحقيقـه

بسم الله نبدا ..

وهذي بعض البيوت وليس كلّهـــا
............................

يقول ابو فيصل بعد الموال :

الا يا ليل وين الشاعر اللي ضيع المليون = ومهما ضيع المليون فالألفين مضمونه

وهنا مطب مشّـاه على شاعر الوطن :

حبيب خاطب الفين بالمؤنث ( مضمونة )ومشاها علاه. بمعنى انه لو ضاع المليون فان الالفين عادت لنا !


البيت الثاني لحبيب كان لتلطيف الجو وتهدية الجمهور يقول :

( انا ما قلت لكم ما ثقّل علاه )


رد تركي 2000 بالموال الخاطئ والخارج عن نسق المحاورة ثم البيت :

الا يالعازمي لا صرت محتاج وعلاك ديون = ليا قدمت معروضك سواتك نقضي ديونه

وهو رد على ظاهر البيت الاول لحبيب دون فهم المعنى والمطب السابق فقد ظن ان حبيب يعاتبه انه ما جاب المليون ورد انه بخير وعند فلوس ههههههه
والبيت الثاني تكرار لمفهوم الاول مع اللمز بالعتيبي انه ما حصل شي من شاعر المليون


فجاء موال ابو فيصل الثاني منتقداً لموقف تركي الذي بدا مهزوزاً ومرتبكاً امامه ثم البيت الذي يحمل القنبلة حيث قال :

انا معطيني الله و العرب من بعضهم يُعطون = وانا ماني بتكسي عند خلق الله يكدونه

الشطر الاول رد على كلام تركي يوم يبا يتبرع لحبيب

اما الشطر الثاني فقد شبه تركي التكسي حيث كدّه الشيخ محمد بن زاايد ثلاثة شهور و طلع من ظهره ميتين و ثمانين مليون اعطاه منها نص مليون ( حق الزيت و البنزين)ههههه

ثم عاد ابو فيصل ليرد على اللمز الذي اورده تركي فالبيت السابق :

اقول ان اصدقانا يوم راحو كلهم يكفون = احد جانا معه مشلح واحد جانا بكرتونه

تظهر السخرية في الشطر الاول و التوضيح في الشطر الثاني فيبين ان يوسف العتيبي عاد من شاعر المليون لابس المشلح ليقابل الملك عبدالله حفظه الله الذي استدعاه شخصياً ومن بعده ولي العهد وهذا المكسب الحقيقي ليوسف من البرنامج.

بعد ان تم التآمر لاسقاطه في المنافسة. ثم يقول : واحد جانا بكرتونه وهو تركي اللي جا معود مثل ما راح ما فاد شي..


وكـان فيه تـكمالـه ابشرو بجيبهـا لكم ..

بس اللي جـعلنـي انقل التحليل هـو بيت حبيب يوم يقول

( ومهما ضيع المليون فالألفين مضمونـه )

القرم انا رأيي ان تحليلك سليم ..

[ابوبجاد الرويس]

مشكـور اخـوي طلال الثبيتـي

ولاهنـت علـى الموضـوع ,,,,,,,

وانا ياخــوكـ معـاد لـي راي عقـب راي اخـوي القــــــرم

مقصـر اخـوي القــــــرم كفـا ووفـا ,,,,,,,,,,,,,,,,, وكلامــه 100%

آخر تعديل ابوبجاد الرويس يوم 07-Aug-2007 في 07:40 PM.

[طلال الثبيتي]

من الانطباعات وردود الافعال :

دق تركي الفين على حبيب العازمي وحبيب كان في مجلس الشغار وقال تركي : طالبك يابو فيصل .. قال حبيب : آمر .. قال ابيك تشيل الطاروق الاخير من الشريط ( لان المكتب المصور الحفل مكتب حبيب )

قال حبيب : المعذره ياتركي الشرطان انتشرت


مع العلم : ان الشاعر رشيد الزلامي حضر الحفل وما لعب ويوم خلصت الحفله جاء عند حبيب وهو يضحك وقال بيض الله وجهك يابو فيصل ..

آخر تعديل طلال الثبيتي يوم 07-Aug-2007 في 07:47 PM.

[ابو فايح]

انا اعتقد ان حبيب تفوق على تركي والدليل ان تركي ظهر عليه الارتباك اكثر من مره اما تحليل الاخ القرم فكل له وجهة نظر اما البيت الذي يقول حبيب

الاياليل وين الشاعر اللي ضيع المليون ***** ومهما ضيع المليون اكيد الفين مضمونه
فاعتقد انه تركي لو فاز حصل على لقب شاعر المليون لكن بعدما خسر فلقب تركي 2000 مضمون وهنا فيه نوع من السخريه هي بين الفرق بين المليون والالفين واعتقد ان تركي لم يوفق في الرد وان قصده كان انني خوي للامير سلمان وان قدمة معروضك ساساعدك يا حبيب فجاء رد حبيب قوي ان الناس يعطون بعضهم وانا معطيني الله.

التوقيع

عالم تويتر abofayeh@

[طلال الثبيتي]

بالنسبه للبيت الاول ..

تحليل القرم يجي وتحليل ابو فايح يجي ..

والظاهر ان تحليل ابو فايح هو الاقرب ..


وتفوق حبيب امر مفروغ منه .. تركي شاعر بس اصابع الكف ماهي سوا وشاعر يختلف عن شاعر ..

وتركي لو ماكان يشوف انه اخفق ماطلب من حبيب يلغيها ..

[دريد ابن الصمة]

المشاركة الأصلية كتبت بواسطة ابو فايح

انا اعتقد ان حبيب تفوق على تركي والدليل ان تركي ظهر عليه الارتباك اكثر من مره اما تحليل الاخ القرم فكل له وجهة نظر اما البيت الذي يقول حبيب

الاياليل وين الشاعر اللي ضيع المليون ***** ومهما ضيع المليون اكيد الفين مضمونه
فاعتقد انه تركي لو فاز حصل على لقب شاعر المليون لكن بعدما خسر فلقب تركي 2000 مضمون وهنا فيه نوع من السخريه هي بين الفرق بين المليون والالفين واعتقد ان تركي لم يوفق في الرد وان قصده كان انني خوي للامير سلمان وان قدمة معروضك ساساعدك يا حبيب فجاء رد حبيب قوي ان الناس يعطون بعضهم وانا معطيني الله.

انا اتفق مع ابو فايح في التحليل والحقبقه انه ليس من العدل ان نضع
ابيات حبيب مع ابيات تركي في المقارنه فالفرق شاااسع بينهما فأحدهما
شاعر معنى وهو الشاعر الكبير حبيب العازمي والاخر شاعر قاف فقط

[الشاهين.]

هذي المحاورة ماتبي أحد يحلل فيها شي لو تسئل أي شخص حتى لو مايعرف في المحاورة شي لقال بأن أبو فيصل سرا تركي ألفين من أول بيت فالفرق واضح شاء من شاء وأبى من أبى واللي ماهو راضي يشرب من البحر

[سلطان الجـذع]

طلال مساء الخير

انا ابي احلل لك بيت من الطاروق الاول

اللي بدايته

مرحبا في دار شيخ شيخته من عصر جده **شخته من راس رداد البرى والكل داري


البيت الذي اريد تحليه

البعير اللي تبي تقناه وسمي فوق خده **وان قنيته لاتعده من عدد سفن الصحاري

في البيت هذا يقصد حبيب بالبعير ((مسمى شاعر الوطن ))بمعنى انا نحن
العتبان قد اخذناه وسجل باسم احدنا<<حبيب هنا يتكلم بلسان قبيله (عتبيه )ولايقصد نفسه بوسم البعير

في الشطر الثاني يقول اذا وسمته لاتعده من عدد سفن الصحاري
بمعنى اذا اخذت انت مسمى شاعر الوطن ...ماعاد له قيمه ههههههه




رد الالفين هنا يقول
البعير اللي تقوله والله انك مانت قده ***
<<<اجزم انه لم يفهم مقصد حبيب وحاول تغطيه لفظ المعنى فقط


يرد حبيب

المهم أنـي وسمتـه وانغـدى الله لايـرده**ولوغدى مع جرته متروك قصاص الاثـاري



بعد البيت هذا غير الالفين مسار المعنى وبدى يتخبط
انظر لاحد ابياته
انت ياحبيب حبـال المـوت بيدينـك تشـده=كيف ابحذرك وانته ماتفيـد ابـك الحـذاري

(((حبال الموت بيدينك تشده )))لكي تستقيم الجمله لابد ان تكون
حبال الموت بيدينك تشدها هههههههههههههههههههه


{{معظم ابيات الالفين هي هذا الطاروق لاترتقي الى ان تسمى ابيات
شعريه <<<مجرد قوافي }}
باستنثناء بيت واحد وهو/
ادري انك ممتحنهـا والنظـر فيهـا تلـده=مادريت ان الشريفه مالها رجـال غـاري

<<<بيت ممتاز مره

[طلال الثبيتي]

كل من مر مشكور على المرور ..


وسلطان الجذع انا كنت باتكلم عن بيت تركي :

انت ياحبيب حبـال المـوت بيدينـك تشـده=كيف ابحذرك وانته ماتفيـد ابـك الحـذاري


ملاحظه في محلها وابيات تركي اغلبها ضعيف المعنى مجرد صفصفه هرج ..