قصيده للشاعر المبدع سعد العصيمى

[ابن عور]

صاحب موقع مرافى الادبيه الشاعر المبدع سعد العصيمى اللقاء قصيده تثلج الصدر ونشكره من هذه النافذهعلى قصيدته واليكم القصيده


البارحه ليلي سرى واسهـر العيـن
لا القلب ريحني ولا غمض المـوق
اسري مع الهوجاس والناس ممسين
ويطيب الي من عذب الامثال طاروق
روايـعٍ تشـدي ورود البساتـيـن
ماني بلا فاسـق ولانـي بمطفـوق
شاعر وشعرٍ ما يجي لـه براهيـن
حتيش لويكتب ليـا فاخـت الـذوق
لبى بني عمي هل المذهـب الزيـن
لبيـه يـا برقـا ولبيـه يــاروق
ايـوالله انتـم ملحقيـن المخليـن
ليا جا نهارٍ فيه سابـق ومسبـوق
الى اختلط عج الرمك في المياديـن
وكلٍ ثنى من دون ماله مع النـوق
نمضي قدم ما ننظر يسـار ويميـن
وافعالنا يشهـد بهـا كـل مخلـوق
الله خلقنـا فـي زمنـا صلاطيـن
ومن فضل ربي ما نداني هل البوق
حنا سلالة من رفـع رايـة الديـن
علمٍ صحيح ومصدر العلم موثـوق
وكل القبايل كفو مـن دون تخميـن
ناخذ حقوق ونعطي اصحابنا حقوق
يابنـت حنـا للنواميـس عجليـن
ونظراتنا يابنت يـم السمـا فـوق
ناخذ ونعطي وان زعلنـا شياطيـن
كم واحدٍ با سبابنـا صابـه العـوق
الطيـب وهبـه والمنايـا نياشيـن
والذل ما يغني ولا يرفـع السـوق
جيتي بقايا احساس وآهـات قلبيـن
وقلبي سليم ولابعـد هـزه الشـوق
انـا دخيلـك بـس لالا تبوحـيـن
الثوب ما يستر ليا صـار مشقـوق
وعز الله اني صرت مابين ناريـن
ولولا الوفا ضاعت معاديل وحقـوق

[مـجـول الـعـصـيـمـي]

يعطيك العافيه

صح السان الشاعر ,/ ((سعد العصيمى ))

تسلم على النقل الرائع يا((ابن عور))

واختيار موفق ,



تحياتي

الصور المرفقة

سيبسيبس[1].jpg‏ (44.2 كيلوبايت, المشاهدات 1)

[نبض عتيبه]

مشكور وصح لسان الشاعر

[العصيمي البدائع]

مشكووووووووووووور
أخوي

[ابو عزوز الصبيحي]

تسلم ويسلم رااااااااااااااااااعي القصيدة

[نـايف العصيمي]

لبى بني عمي هل المذهب الزين لبيه يبرقا ولبيه ياروق
صح لســــــــــــــــان الشاعر سعد العصيمي
ولاهنت على النقل............