الغيبه والنميمه - الهيـــــــــــــلا *** منتدى قبيلة عتيبة

محمدقبلان · 15-Jul-2007, 11:28 PM

يارجل عن مجلس اهل الهرج هجيبـى=النفـس مانـى علـى الغيبـه مدربهـا
عن مجلس اهل الدنس يارجلى اسريبى=سيرى مع الارض واسعى في مناكبهـا
مانى براعى حكـى والنـاس تدريبـى=هرجـة ردا ماسعيتبهـا ولا اقربـهـا
ربانى الشايب اللـى كاسـب الطيبـى=الطيب والديـن فـى دنيـاى مكسبهـا
مازيـد نـار الحماقـه باالمشاهيـبـى=لاقامـت الـنـار توقـدهـا ثعالبـهـا
ياذيب ياللى علـى المرقـاب ياذيبـى=اخذالقصـيـده ولحنـهـا وغنـبـهـا
الله يـرحـم مكمـلـت المواجيـبـى=واهل الردا جعل رب الكـون يذهبهـا
الله يقـطـع مشـذبـت العراقـيـبـى=والى حياتـه علـى الغـرات يشعبهـا
يابوك يابنـدر احـذ وقتـك اصعيبـى=لاترخـص النفـس للانـذال تجلبـهـا
الذيب سرحـان فـي روس المراقيبـى=شايبـك ياعزوتـى دنـيـاه جربـهـا
البوم تبـدى عـلاه الشمـس وتغيبـى=فـى ماكـره نـام وعيونـه يقلبـهـا
انفض جناح الرجوله واسبـق الشيبـى=المرجلـه فرصـة الرجـال واقضبهـا
لاصرت بين الرفاقـه خالـى الجيبـى=مااعطـوك لوانهـا قرشيـن تطلبـهـا
ابـاك حـر(ن) تعشيـه المخاليـبـى=والآزمــه ماتنثـنـى دون واجبـهـا
كمـل مواجيـب ربـك عالـم الغيبـى=ونفس الهوا عن طريـق الغـى جنبهـا
وربعـك تراهـم ضلالـك فالواهيبـى=القالـه الـلـى بنـوهـا لاتخربـهـا
وان كان فى بعض الاريآ ماانته امصيبى=احفض لسانك يجـوز النـاس تنشبهـا
تراك من روس معطبـت المضاريبـى=فازوبهـا يـوم ولـد لآش مازهبـهـا
وان كـان ماخـذت ماقلتـه بترتيبـى=لاواخسـاره علـى القصـه وكاتبـهـا

ماله امان · 15-Jul-2007, 11:52 PM

الاخ محمد قبلان

صح لسانك واعتلا شأنك قصيدة جزله من جزل سجل اعجابي وتقديري

صنداح الزلامي · 16-Jul-2007, 12:52 AM


	يارجل عن مجلس اهل الهرج هجيبي** النفس ماني على الغيبة مدربها محمد بن قبلان بيض الله وجهك أنا أشهد أنك تكلم عن واقع يتكلم عنه الجميع ويتألم منه كل رجل فيه خير شرواك ولكن قليل من الشعار التي يتطرقون لهذا الامر قصيدتك جزله ولي الفخر أن أشيد بك واقول هذا القصيد ولا بلاش تحياتي لك واعيد واكرر بيض الله وجهك