مـحـاورة سـاخـنـة بين خـلـف و صيـاف ( قـووووويـة )...

[الـــقـــرم]

صياف الحربي """ وخلف بن هذال


السلام عليكم ورحمة الله وبركاته

اهدي لكم هذه المحاوره واتمني ان تنال اعجابكم لما فيها من معاني جميله ومفردات سهله



{صياف}
نادو الشيخ ابن هذال يشعب حصانه ..........في علم جديد وفي حاجه غريبه

قالوا إنه مع العربان مطلق لسانه ..........كل مامر له وادي لصق في شعيبه

{خلف}

جاك فوق الحصان اللي ًََطويًٍٍِل عنانه..........في مداهيل حرب إ مسرحه من عتيبه

ألسنتنا لها بالحق فرض وضمانه ..........مانسوق الشباري بالعظام الصليبه

{صياف }

حرب لا جوك قلبك يختلف عن مكانه .......... ثم قلت أرحموني ويش هذي المصيبه

أنت مثل البعير اللي تغير زمانه .......... قام ياكل سنامه من رداوت نصيبه

{خلف }

حرب عندي دواهم خانة فوق خانه.......... لقمة بالرضى ياحرب وإلا غصيبه

والجمل ياحريبينا وسيع بطانه .......... كل ماطالت الشطه ينزح حريبه

{صياف}

أنت غافل تحسب الناس مثل اللبانه.......... مادريت إن بندقنا تصيب الضريبه

أنت رجل لعين ولاتكب اللعانه.......... كل ماشفت لك واحد غريب إتعديبه

{خلف}

ليت لك في بلد جيزان دار وحضانه.......... حيث فيك الوصوف من التهامي قريبه

لاتحدد سنونك ياوليد السمانه.......... لي مخالب طوال ولي كفوف عطيبه

{صياف}

أنت أمانه واحنا مانطش الأمانه.......... دام هذي علومك فيك شكه وريبه

ليه تترك صلاتك ياقليل الديانه.......... مادريت إن جمر القبر تحت النصيبه

{خلف}

صون أمانتك وأحرصها برفق وصيانه.......... وأحلب العنز وابن التيس حرم حليبه

ابن عمك طبوعه قشر واسمه عفانه.......... كل ماغاب نجم بالسما ينسريبه

{صياف}

صنتها صون مسلم مايعرف الخيانه.......... مير بعض الأوادم علة يندعيبه

أنت شاوي غدت معزاه في وسط ضانه.......... عقب قفا شبابه مابقي غير شيبه

{خلف}

حط للرجل عن شوك إلها راس البطانه.......... داخل لك حمى مجهول ماينمشيبه

لو تضيع الغنم ماني بأرض الكنانه.......... نجد أببطش بحصنيه وأضيق بذيبه

{صياف}

تعرف إني ذهين ومن رجال الذهانه.......... والله إن الشراب الحلو ماتهتنيبه

إعرف الشجره اللي تنبت البر تكانه.......... ثم عقب العشا قفل عليها الزريبه

{خلف}

أعرف إنك ولد شيطان منبع شطانه.......... فكرتك ما تجيك ألا وأنافي مغيبه

ودي أصدع بهذا الضلع وأخلف كيانه.......... لين أهججك والفيران ماتلتجيبه

{صياف}

من يهين العرب يبشر بكثر الأهانه.......... أنت غايب وأنا أدورك مثل الذهيبه

أنت غوار وإلا واحد من خوانه.......... تحسب إن الجبل يطلب ويرضي طليبه

{خلف}

إعرف إني عذاب المشتهي وإمتحانه.......... وأنت اللي تودي علم وإلا تجيبه

قمت تطرق لسانن كنه الخيزرانه.......... ضاع وصفك بعد نصفك بغيت إتغديبه

{صياف}

لو تقدر عليه من أمس قضيت شانه.......... مير ماأضن عندك درهم تشتريبه

أنت مثل الحصان اللي يزيد إرثعانه.......... مير لي هساع ماميزت خبثه وطيبه

{خلف}

هيكلك دبلوماسي كن عندك حصانه.......... بس ينقصك ياصياف حكمه وهيبه

صاحبي لويلعن مالحقني لعانه.......... وأعرف أن الحريب يحب هزمة حريبه

{صياف}

كان قرصك بوسط النار عندي دهانه.......... إلمس الجمر والدخان لا تستقيبه

واحدن طاحت أسنونه وطاحت ثمانه.......... لو بغى يدعي للناس وش يدعيبه

{خلف}

ماذكرنا البخيل أبخير نرقد بأمانه.......... خل دهنك على قاعدك لا تعتزيبه

أنت فوق الرحى طحان وأبغى طحانه.......... أنبت الجوع في راسي ثمانين شيبه


منقول لأهـميـة .. عـشـان مـا نتجاهـل خلف في مجال المحاورة فهو قـدّم لعتيبة الشي الكثيــر


مودتـــي ..,

آخر تعديل الـــقـــرم يوم 05-Jul-2007 في 07:39 AM.

[محمد الزايدي]

القرم

مشكور على النقل

محاوره قويه بين اثنين من اعلام الشعر

[لافيزي]

مشكوووور يالقـــرم على النقـــل

صراحـــة محاورة جميـــــــــــلــة

[ابوبجاد الرويس]

مشكور اخوي القرم

والله يعطيك العاافيه

ومحاوره قوية بين عملاقين

[الـــقـــرم]

الــزايــدي 2006 ..

لاشـكـر عـلـى واجـب يـالـغـالـي ..

ولازم نحط مـثـل هـالـمحاورات عشان ما نجهل بعض الشعراء في هـذا الـمجـال

ويعطيك العافيه على مرورك العطر

.........................
نـادر 14 14 ..

مـشكـور على مرورك بهالموضوع وهـذا مـن ذووقـكـ


مودتــي ..,

[شامان]

..

بيض الله وجهك ،، والله يعطيك العافية .
محاورة من الوزن الثقيل .


تحياتي ،،،،،،

[الـــقـــرم]

ووجـهـك ابـيـض يـالحافـي والله يعافيك

وشكووور على مرورك العطر

[ابو شرف]

يعطيك العافيه على المحاوره الرائعه.

[الـــقـــرم]

اللـه يعافيـك يبو شرف وهـذ من ذوووقـك

[مخاوي العتبان]

الله يعافيك يالغالي على المحاورة اللي تجمع عمالقة الشعر

خلف بن هذا ل شاعر الوطن وصياف الحربي الشاعر الكبير