في منتدى العتبان ربعي هل الطالات والطيب !!

[خيّــال الكحيلـة]

في منتدى العتبان ربعي هل الطالات والطيب = ابدا سلامي ياعتيبه وانا قايد كتيبه
حاضر بحاضر ياعتيبه ولا فيها مناديب = وترى الحصان العبث لابد يخزم من سبيبه

[محمد العضياني]

في منتدى العتبان ربعي عطيبين المضاريب=يا مرحــبا باللي حضر بالنيابه عن عتيبه
ان كان جر الذيب صوته على روس المراقيب=لا يامن البندق ليـــــــا ثوّرت يمكن تصيبه

[خيّــال الكحيلـة]

ياصاحبي ماضاع فالوقت يلقا فالمكاتيب = تلقا وليد الناس مضوي على ربعه مصيبه
انته تصوّب للهدف مير اضن الرامي يخيب = بعض الاوادم لامشى بان به شكه وريبه!!

[محمد العضياني]

الحـّر يا خيال لا حام يشبع بالمخاليـب= والشك زايل في رجالن يحلون الصعيبه
ان كان ودك بالسلامه من القناص يا ذيب=احسب حسابك للبعيده وحسّب للقريبــــــه

[فالح الكرنافـ]

صح السانكمـ كلـ منـ

خيالـ الكيلهـ و البوارديـ

واللهـ يعطيكمـ العافيهـ

[مرزوق حمدان العتيبي]

...
.
خيال الكحيله ... والبواردي
صحت السنتكم ... والى الامام..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[خيّــال الكحيلـة]

فالح الكرناف

مرزوق العتيبي

مرحبابكم


ولاهنتوا على هالحضور المشرق...

[خيّــال الكحيلـة]

سبحان من خلاك ياصاحبي ضمن المعازيب = وانته من ايامٍ مضت مامعك ماتلتهيبه
لولا حيايه من هل الطيّبه واهل المواجيب = ان كان احط اليوم يابواردي فوقك نصيبه

آخر تعديل خيّــال الكحيلـة يوم 15-Jun-2007 في 08:31 PM.

[محمد العضياني]

هذا جزا اللي ينطح اهل النقيصه بالتراحيب= من يمكم لــو جاتني مثلها ماهي غريبه
ان كان تبغا العلم تحتاج لك خبره وتدريب = حتى تقص الجــره وتعرف تصيب الضريبه

[محمد العضياني]

فالح الكرناف ومرزوق العتيبي

ارحبوا ارحبوا.............. شرفتونا

صحت ابدانكم