فاحت دلال القصايد اهداء الى الدكتور فهد النفيعي

[عبدالله النفيعي]

هذه القصيده القيتها في حفل تكريم الدكتور فهد بن محمد النفيعي
بمناسبه حصوله على شهادة الدكتوراه في العداله الجنائيه
وكان موضوع الرساله
الحمايه الجنائيه في سوق الاسهم السعوديه

فاحت دلال القصايد فوق نار الفكر =صفر(ن)يطير عماس الراس فنجالها
اسوقها في فناجيل الغلا والقدر =على رجال(ن)بوسط الصدر منزالها
يامرحبا يامن لدار الكرامه حضر =من يوم ممشاك الى ملفاك لحلالها
ترحيبة(ن)عطرها يبقى سنين ودهر =تفوح اكاليلها من صدر من قالها
في ليلة(ن)نعتبرها من ليال العمر = الطيب عنوانها والمجد لرجالها
في حلة اللي تجلى مجدهم واشتهر = محلحلين الامور ان عقدت حبالها
سقم المعادي نهار المعركه والقشر =سعد الدخيل اللي من الضيم يلجالها
ربعي عتابه رجال(ن)ماتهاب الخطر =افعالها فاللوازم تسبق اقوالها
لو الصحاري ورق والبحر يصبح حبر= ينشف مداده قبل مايحصي افعالها
مبروك مبروك يامن بالمعالي ظفر = يامن رقى في مراقيب العلا ونالها
حزت النواميس من عقب التعب والسهر=والمرجله ماي رجال(ن)بغى طالها
فعلك بدا فالسما ماكنه الا القمر=مجد(ن)شعاعه أنار الارض وجبالها
يافهد يافهد تستاهل وشاح الفخر =وانطلك عمامتي وانطلك عقالها

[مرزوق حمدان العتيبي]

..
.
صح لسانك ياعبد الله
على القصيده الجزله ... والف مبروك الدكتوراه لفهد ..
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

يالله حي عبدالله ..
تسيف الحال عساك طيّب .. ؟



وصح لسانك على القصيده ..
جزل وما تجيب الا الجزل ..

..
ومبروك لفهد لحصوله على الدكتوراه .. والله يوفق الجميع ..

.

اخوك..
.

التوقيع

.....

[فيصل المسعودي]

اول شيء مبروك لابن العم فهد النفيعي نيله درجة الدكتوراه

وثاني شيء صح لسانك ياعبدالله على هالقصيده الجزله المعنونه بالوفاء منك

قصيده مشرفه وخبر مشرف ايضاً


تقديري


فيصل النفيعي

[ماله امان]

اولاً مبروك الدكتوراه للاخ فهد النفيعي


و صح لسانك ياعبد الله النفيعي
على القصيده الجزله

تحـــــــياتــــــــــــــــــي،،،،،،،،

[السميــــــري]

قصيدة أكثر أكثر من رائعة يارائع ..
صح لسانك ..

ومبررووك الدكتورااه ,, لصاحبك ..
والله يعطيك العافية ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[راجح النفيعي]

صح لسانك اخوي عبدالله النفيعي عزالله القصيده طيبه وما قصرت تقبل تحياتي
أخـــوك راجح النفـــيعـي

[صنداح الزلامي]

بيض الله وجهك قصيدة طيبة يستاهل الدكتور فهد

تحياتي

[مخلف الهقاوي]

مبروك للاخ فهد حصوله على الدكتوراه ,,,وصح لساااانك ياعبد الله على الابيات الطيبه ويستاهل الطيب الاخ فهد وتستاهله انت والجميع

[عبدالله النفيعي]

المشاركة الأصلية كتبت بواسطة مرزوق العتيبي

..
.
صح لسانك ياعبد الله
على القصيده الجزله ... والف مبروك الدكتوراه لفهد ..
....

صح بدنك
الله يبارك فيك