الفالح .. الليل الليل

[حمد بن جوباح]

.
..

حيا الله الفالح

نبا ناخذ لنا طاروق للفجر ان سمح وقتك

الليله الميله على الفالح ولي شرهه علاااه = سوّا سواةٍ ما تسوّا بين دقنه وشنبه
الختم عند المحكمه في ذمة ايدين القضاه = وانته شهدت ابزور للقاضي بـ شخصٍ مشتبه

[علي فلاح العضياني]

الليل يا جوباح والرجال يعرف من نباه=لكن اطعني والخطر يا صاحبي لا تقربه
الله يعز الحكم ويعز السلاطين الولاه=في حكمهم كل الامور منظّمه ومرتّبه

التوقيع

(( رأس الحكمه مخافة الله ))

[حمد بن جوباح]

.
..

يا سلام يا سلام

الفالح الليله كحل عينه وسبب له عماه = انمد له جمره وياكلها ويحسبها رطبه
الحاكم الله يحفظه مير البلا فاللي وراه = الحاشيه فيها الطمع من مرتبه لا مرتبه

[علي فلاح العضياني]

ان كان ابن جوباح هذا الليل ربي ما هداه=والله لاسرف فيه والعن خيّره واتوّبه
لا تحسد المسلم على رزقه لامنّ الله عطاه=تبا النصيحه لا تغيّر نظرتي فيك انتبه

[حمد بن جوباح]

الفالح الليله ما ندري ويش وجهه من قفاه = اهدو له البشت الحساوي ثم تغير مذهبه !!
ماني بحاسد والحسد ماهوب في لبس العباه = لا صرت مبلي لا تبلاّ الناس باللي تجلبه

[كبتن عتيبه]

الختم عند المحكمه في ذمة ايديـن القضـاه
وانته شهدت ابزور للقاضي بـشخصٍ مشتبه


طيب طيب ياحمد


ابداع من االطرفين


والضحيه؟؟؟؟؟؟؟؟



هههههههههههههههه

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[علي فلاح العضياني]

انا بعيد الشك وانته بان فيك الاشتباه=تحمدالله يوم جابوالك حصان تركبه
امسك سّراك ولا تعرّض كل رجلن في سراه=الله خلق والله فرق فالمعرفة والموهبه

[مرزوق حمدان العتيبي]

ماني بحاسد والحسد ماهوب في لبس العباه
لا صرت مبلي لا تبلاّ الناس باللي تجلبـه

الله الله .... ياحمد




امسك سّراك ولا تعرّض كل رجلن في سراه
الله خلق والله فرق فالمعرفـة والموهبـه
..
ياسلام ياسلام ... يابو فلاح
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[حمد بن جوباح]

الخيل من خيّالها والرجل من طولة يداه = يالمذنب اللي حجته حلف الشهود المذنبه
الطايره طارت وكل طيّار طاير في سماه = يا الكبتن اللي جاب له ملاّح جاهل وانكبه

آخر تعديل حمد بن جوباح يوم 15-May-2007 في 05:09 PM.

[حمد بن جوباح]

المشاركة الأصلية كتبت بواسطة كبتن عتيبه

الختم عند المحكمه في ذمة ايديـن القضـاه
وانته شهدت ابزور للقاضي بـشخصٍ مشتبه


طيب طيب ياحمد


ابداع من االطرفين


والضحيه؟؟؟؟؟؟؟؟



هههههههههههههههه

حيا الله الكبتن

الابداع منك وفيك طال عمرك

والضحيه ؟!!

اكيد ماهب انا بس مدري منهو

ههههههههههههه



.
.
.


















تحياتي لكـ ،،