الليله الميله على الفالح ولي شرهه علاااه = سوّا سواةٍ ما تسوّا بين دقنه وشنبه
الختم عند المحكمه في ذمة ايدين القضاه = وانته شهدت ابزور للقاضي بـ شخصٍ مشتبه

الليل يا جوباح والرجال يعرف من نباه=لكن اطعني والخطر يا صاحبي لا تقربه
الله يعز الحكم ويعز السلاطين الولاه=في حكمهم كل الامور منظّمه ومرتّبه

الفالح الليله كحل عينه وسبب له عماه = انمد له جمره وياكلها ويحسبها رطبه
الحاكم الله يحفظه مير البلا فاللي وراه = الحاشيه فيها الطمع من مرتبه لا مرتبه

ان كان ابن جوباح هذا الليل ربي ما هداه=والله لاسرف فيه والعن خيّره واتوّبه
لا تحسد المسلم على رزقه لامنّ الله عطاه=تبا النصيحه لا تغيّر نظرتي فيك انتبه

الفالح الليله ما ندري ويش وجهه من قفاه = اهدو له البشت الحساوي ثم تغير مذهبه !!
ماني بحاسد والحسد ماهوب في لبس العباه = لا صرت مبلي لا تبلاّ الناس باللي تجلبه

انا بعيد الشك وانته بان فيك الاشتباه=تحمدالله يوم جابوالك حصان تركبه
امسك سّراك ولا تعرّض كل رجلن في سراه=الله خلق والله فرق فالمعرفة والموهبه

الخيل من خيّالها والرجل من طولة يداه = يالمذنب اللي حجته حلف الشهود المذنبه
الطايره طارت وكل طيّار طاير في سماه = يا الكبتن اللي جاب له ملاّح جاهل وانكبه

المشاركة الأصلية كتبت بواسطة كبتن عتيبه (المشاركة 338695) الختم عند المحكمه في ذمة ايديـن القضـاه وانته شهدت ابزور للقاضي بـشخصٍ مشتبه طيب طيب ياحمد ابداع من االطرفين والضحيه؟؟؟؟؟؟؟؟ هههههههههههههههه