الليل يا الفا لح

[نواف ابن ثعلي]

الليل شد الحيل ياالفالح ترى لليلك طويل=النار ياشببهاوالخيل ياركبها
قرب شرارالزند يارجال من خشم الفتيل= الليل توه والمعاني من يصك ابوابها

[علي فلاح العضياني]

حنا نسد اللازمه في كل يوم وكل ليل=الخيل ياركابها والنار يا شبابها
انته توصيني وانا رجال فالمسرى دليل= كل العلوم اللي على بالك نحسب حسابها

التوقيع

(( رأس الحكمه مخافة الله ))

[نواف ابن ثعلي]

الي على خاطرك في تالي الليالي مستحيل= ريح على بالك ونفسك لاتثير اعصابها
وانااعرف انك لا ذليل ولانت ياالفالح بخيل= مادام ماتقدر على الصعبات لاتشقابها

[علي فلاح العضياني]

يبا يزين العلم بامر اللي على خلقه وكيل=حتى ولو ان الجماعه شاينٍ هندابها
والله ما نبغا من وراكم لا كثير ولا قليل=حنا لحانا تحتمي وقت اللزوم اشنابها

[نواف ابن ثعلي]

بعض الدعاوي ماورها راس مال ولاحصيل= الاوله راحت علاكم من نصيب اصحابها
تقولها وانته ماتدري وش تحط وش تشيل=اثرك كماالي حملته فوق الظهر زوزابها

[علي فلاح العضياني]

يالله عسا دار الحسود من المخايل ما تسيل =اللي على علم الوفا دايم تحسد اقرابها
انا احسب انك قبل هذيه من الوزن الثقيل=بعض السوالف تزعل الرجال ما يرضابها

[نواف ابن ثعلي]

خل المعاني في سراها ياالاصيل ابن الاصيل=الناس قامت تلبس ثياب ماهيب ثيابها
حناترانا مانحب الميل ونته لاتميل=السالفه ماهيب لعبه في يدا لاعابها

[نواف ابن ثعلي]

خل المعاني في سراها ياالاصيل ابن الاصيل=الناس قامت تلبس ثياب ماهيب ثيابها
حناترانا مانحب الميل ونته لاتميل=السالفه ماهيب لعبه في يدا لاعابها

[علي فلاح العضياني]

اثيابنا دايم ثيابٍ بيض يازبن الدخيل=واللي على بالي تراي اولالها واولابها
ياربعنا وش لون تنسون الجماله والجميل=يوم ان ابن عمّه ما خلاّ جاجةٍ ما جابها

[سلطان الحافي]

الله الله الله
الله الله
الله

ابن ثعلي

الفالح

صحت السنتكم

وعلى القوه

متابعينكم

تحياااااااتي