الطارف سداد

[ماجد الهذلي]

يا سلام الله سلام ٍ يقدم للرجال = في محل أهل الوفا والقلوب الصافيه
المعاني دايره مثل دورات الليال = والسوالف هينه والقلوب نظافيه

[ابو لمار]

الله الله الله
صح لسانك ياماجد
بدعه رائعه يالهذلي

وابشر بالصفوف دبل على شانك

سرّها يالسنافي

في انتظار الشاعر المقابل

الليل الليل الليل العبوا العبوا
؛؛؛
؛؛
؛
تحيااااااااااااااااااااااااتي لك

[ماجد الهذلي]

صح بدنك يا أبو لمار

يا هلا ويا غلا فيك

مرورك شرف

تسلم

[كبتن عتيبه]

مرحبا ترحيب وافي على قول المثال =الوفاء مايعشق الا الرجال الوافيه
السوالف كانها هينه يابن الحلال=فانت راعيها وبالعافيه بالعافيه

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[ماجد الهذلي]

الله الله

البقا ياللي ترحب بعد حل المجال = شب نارك لا ترحب ونارك طافيه
الإجابه يا مناحي على قد السؤال = أنت مالك وقف في تركة الأوقافيه

[كبتن عتيبه]

طيب..طيب

نارنا ماتنطفي وانت نارك لاتزال=ياوليد هذيل يسفي عليها السافيه
الخيال املاء السماء والصواقع فالخيال=كيف مرّت فوقك الكلمتين الخافيه؟؟

[ماجد الهذلي]

يا مناحي ليه ما جبت للكيف الدلال = نارنا ما تنطفي وإنشد الأسلافيه
إن تحدتك الليالي مصيرك للزوال = لا تقرب راسك لحذفة الحذافيه

[كبتن عتيبه]

ياهذيل انتم هل النار مافيها جدال=هي لاتزعل علي ويشيب القافيه!!
أعلم ان المعرفه عند أهلها راس مال=مستحيل العرف يبعد عن العُرافيه!!

[فيصل المسعودي]

هلا وغلا ومرحبا بماجد


وين الغيبات ياشيخ


صدق من طول الغيبات جاب الغنايم


هلابك ياماجد


ومرحبابك يعلم الله كم حنا سعداء بتواجدك معنا ومشاركتك


صح لسانك


ولسان اخوي الغالي الكابتن مناحي


بالتأكيد ستكون محاورة مليئه بالروعه والجزاله دام فارسيها ماجد والكابتن مناحي


واااااااااااااصلواااااااااااااااااااا


متابعين لكم ولإبداعكم


تحيات وتقدير


أخوكم


فيصل النفيعي

[ماجد الهذلي]

الله الله

وش يحلل كلمتك يمكن أنت اللي حلال = وسط نار ٍ ما يفكك ونين أسعافيه
المعرفه لأهلها روح يا مناحي تعال = ما يجيك البرد عان العباه الدافيه