يا لذع قلبي لذع سلك البليتين … زاد الحرايق يا عليوي حرايق

[ابن نجد]

الشاعر مفجر المحطات هكذا اسمه يرسل لكم هذه القصيدة الغزلية رغم انها غريبة لكن الشايب ما يتوب والعين تعشق كل جميل
قال شاعرنا :

يا لذع قلبي لذع سلك البليتين
زاد الحرايق يا عليوي حرايق

عز الله إني تايب ٍ عقب خمسين
ولا نيب لعلوم المواليف رايق

مير البلا من نظرة العين للعين
شبـّت فوادي دون كل الخلايق

قم يا عليوي هات شوكه وسكين
بأشق قلب ٍ داخل الصدر ضايق

وأقدمـّه عربون وسط المواعين
وأكتب عليه ( الشيب ما هوب عايق )

عندي شفر موديل سته وسبعين
يسبق حديد الناغي بدون سايق

بأشـّغله ذلحين ذلحين ذلحين
وأثبت لها كل الحجج والحقايق

وشكرا لتواصل الجميع
--------------------------------------------------
زماننا غير زمانهم وحتى نتذكر الاولين
اخوكم ابن نجد

[فيصل محمد]

أسمحلي بنقل القصيدة الى قسم الشعر الشعبي

[@عريب الساس@]

قم يا عليوي هات شوكه وسكين بأشق قلب ٍ داخل الصدر ضايق

وأقدمـّه عربون وسط المواعين وأكتب عليه ( الشيب ما هوب عايق )


الله يعينك يا مفجر المحطات ،، وتسلم يديك يا ابن نجد،،

[الدلبحي]

مشكور وماقصرت

وصح السانك

[الصنهاتي]

مشكور على هالقصيدة يا ابن نجد .
وصح لسان مفجر المحطات .

تحياتي

[فيصـل العضياني]

صح السانك والسان الشاعر

تسلم اخوي ابن نجد على هالقصيده الجزله

[نهيان الحمادي]

لا هنت يا ابن نجد
ها الشايب ما هب سهل .